Aqmolalyq mas kúıinde poıyzdy toqtatqan

Aqmola oblysynyń turǵyny mas kúıinde poıyzdyń toqtaý kranyn julyp alyp, apatty jaǵdaıda toqtaýyna sebepshi boldy,  dep habarlaıdy qandastar.kz

Kóliktegi polıııa departamentiniń qyzmetkerleri temirjol kóligi obektilerinde qoǵamdyq tártipti saqtaý jáne azamattardyń qaýipsizdigin qamtamasyz etý boıynsha jumystardy belsendi júrgizýde.

2025 jyldyń 4 aıynda jolaýshylar poıyzdarynda ákimshilik quqyq buzýshylyq jasaǵan 273 adamdy túsirip alǵan.

Onyń ishinde alkogoldik ishimdikterdi ishkeni nemese qoǵamdyq oryndarǵa masań kúıinde kelgeni úshin 254 fakt, shetel azamattary men azamattyǵy joq adamdardyń Qazaqstan Respýblıkasynyń kóshi-qon zańnamasyn buzǵany úshin 11 fakt, usaq buzaqylyq jasaǵany úshin 8 fakt.

Máselen, ótken demalys kúnderi Atbasar — Nurly-Jol baǵyty boıynsha kele jatqan elektr poıyzynda 43 jastaǵy er adamnyń mas kúıinde toqtatý-kranyn tartyp julyp alýy, jyljymaly quramnyń apatty toqtaýyna ákep soqty.

Quqyq buzýshy QR ÁQBtK-niń birden eki baby boıynsha, ıaǵnı alkogoldik ishimdikter ishkeni nemese qoǵamdyq orynǵa masań kúıinde kelgeni, temirjol kóligin paıdalaný erejelerin buzǵany úshin jaýapqa tartyldy.

Kólik polıeıleri jolaýshylardyń poıyzdar men vokzaldarda qoǵamdyq tártipti saqtaý qajettiligine basa nazar aýdarady. Barlyq quqyq buzýshylyqtar tirkelip, zańmen kózdelgen jaýapkershilikke ákep soǵady.