جاڭالىقتار
اقمولالىق شەنەۋنىكتەر سۋ تاسقىنى كەزىندە بولىنگەن قارجىنى جىمقىرعان
فوتو: اشىق دەرەككوز
اقمولا وبلىسىندا 300 ميلليون تەڭگەدەن استام قاراجاتتى جىمقىردى دەگەن كۇدىكپەن بىرنەشە شەنەۋنىك پەن كاسىپكەر قاماۋعا الىندى. بۇل قاراجات سۋ تاسقىنى قاۋپى بار ايماق تۇرعىندارىنا ارنالعان ۇيلەردى سالۋعا بولىنگەن, دەپ جازدى qandastar.kz
اقمولا وبلىسى پروكۋراتۋراسىنىڭ مالىمەتىنشە, اتباسار اۋدانى اكىمدىگىنىڭ قۇرىلىس ءبولىمى باسشىلارىنا جانە «پرەستيج ستروي 7» جانە «فۋندامەنتال» جشس قۇرىلىس كومپانيالارىنىڭ جەتەكشىلەرىنە قاتىستى تەرگەۋ اياقتالدى. تەرگەۋ بارىسىندا ءىرى كولەمدەگى ۇرلىق فاكتىسى انىقتالدى.
«بۇل قاراجات 2021 جىلى ۇكىمەت رەزەرۆىنەن اتباسار اۋدانىنداعى سۋ باسۋ قاۋپى بار ايماقتان 200 وتباسىن كوشىرۋ ءۇشىن ەكى 100 پاتەرلى ءۇي سالۋعا بولىنگەن», — دەپ حابارلادى پروكۋراتۋرا.
كۇدىكتىلەرگە «اسا ءىرى كولەمدە م ۇلىكتى يەمدەنۋ نەمەسە ىسىراپ ەتۋ» بابى بويىنشا ايىپ تاعىلىپ وتىر. ولار 12 جىلعا دەيىن باس بوستاندىعىنان ايىرىلۋى جانە مۇلكى تاركىلەنۋى مۇمكىن.
