«اقنار ءوزى سىرا ىشۋگە شاقىرعان». كۇدىكتى قىزدىڭ قورعاۋشىسى ەل كۇتپەگەن مالىمدەمە جاسادى

بۇل تۋرالى ينستاگرام الەۋمەتتىك جەلىسىندە Abdulla_kz_kz پاراقشاسى اقپارات تاراتتى.

بۇگىن كۇدىكتى سانالعان ديدار مۇقياتتىڭ ادۆوكاتى جاندوس پالمانوۆ «ىسكە قاتىستى ءوز ايتارىمىز بار» دەپ ءباسپاسوز ءماسليحاتىن وتكىزدى.

ءباسپاسوز ءماسليحاتىندا ءىس بويىنشا قورعالۋعا قۇقىعى بار دەپ تانىلعان ديدار مۇقيات تا, نە ونىڭ تۋىستارى دا بولمادى. تەك ادۆوكاتى عانا سۇراقتارعا جاۋاپ بەردى. ادۆوكاتتىڭ ايتۋىنشا, اقنار گ ۇلىستان سول ءتۇنى قىزداردى سىرا ءىشىپ وتىرايىق دەپ ءوزى شاقىرعان. ال «ونى ۇرىپ, قينادى» دەپ كورسەتىلگەن بەينەجازبا تولىق ەمەس, سول ءتۇنى «قوس قىز كەرىسىنشە ونى تىنىشتاندىرىپ, سابىرعا شاقىرعان». 

ادۆوكات قىتاي حالىق رەسپۋبليكاسىنىڭ ازاماتشاسى كيمەپ تۇلەگى ديدار مۇقياتتىڭ قازىرگى تاڭدا الەۋمەتتىك جەلىدە تاراپ كەتكەن اقنار گ ۇلىستانعا قاتىستى بەينەجازبالاردان سوڭ قوعامنان قىسىم كورگەنىن ايتتى. سول ءۇشىن ونىڭ ىسكە ەش قاتىسى جوق ەكەنىن جەتكىزۋ ماقساتىندا بىرنەشە بەينەجازبانى قورعاۋشى پالمانوۆ جۋرناليستەردىڭ نازارىنا ۇسىندى. قورعاۋشى ۇسىنعان بەينەجازبادا قىزدىڭ بۇعان دەيىن تەرەزەدەن سەكىرمەشى بولىپ جۇگىرگەن ءىس-ارەكەتى ءارى ونى ديدار مۇقياتتىڭ اعاسى سابىرعا شاقىرىپ جاتقانى بەينەلەنگەن. ارالارىنداعى ديالوگ قىتاي تىلىندە بولعان.

ادۆوكاتتىڭ ايتۋىنشا, تۇندە اقنار تەلەديداردى سىندىرادى. ول ءوزىن جامان ۇستاي باستايدى. كادرلاردا ونىڭ ەدەندە قالاي جاتىپ, قۇراننان سۇرەلەردى ايقايلاپ ايتىپ جاتقانىن كورۋگە بولادى. وسى ۋاقىتتا قىزدار ونى ۇستاپ, تىنىشتاندىرۋعا تىرىسادى.

ادۆوكات تۇسىندىرگەندەي, ەكى قىز باسقا بولمەلەردە جاسىرىلادى. ولار قايتادان بولمەلەردەن شىققان كەزدە پاتەردەن اقناردى تاپپادى. سودان كەيىن عانا ولار تەرەزەدەن قاراپ, دوسىنىڭ سەكىرىپ كەتكەنىن كورەدى.

ەسكە سالا كەتەيىك, 22 جاستاعى اقنار حاميت بىلتىر شىلدە ايىندا الماتىداعى Amir تۇرعىن ءۇي كەشەنىنىڭ 7 قاباتىنداعى پاتەردىڭ تەرەزەسىنەن قۇلاپ, كوز جۇمعان. مارقۇمنىڭ اناسى گ ۇلىستان حاميت قىزىن ولەر الدىندا تانىستارى پاتەردە ابدەن ازاپتاعانىن ايتادى. ول اقنار تەرەزەدەن ءوزى سەكىرىپ كەتۋى مۇمكىن دەگەن بولجاممەن ءۇزىلدى-كەسىلدى كەلىسپەيدى. مارقۇمنىڭ اناسى ءىستىڭ ءادىل تەكسەرىلىپ, كىنالىلەردىڭ جاۋاپقا تارتىلۋىن تالاپ ەتەدى.