جاڭالىقتار
اقوردادا ماڭعىستاۋ وبلىسىنىڭ اكىمى قىزمەتىنە تاعى كىم ۇمىتكەر بولعانىن مالىمدەدى
اقوردا اقپاراتى بويىنشا, مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس, پرەزيدەنت اكىمشىلىگىنىڭ باسشىسى ايبەك دادەباي ماڭعىستاۋ وبلىسىنىڭ بارلىق دەڭگەيدەگى ءماسليحات دەپۋتاتتارىنىڭ جينالىسىنا قاتىسۋ ءۇشىن اقتاۋ قالاسىنا جۇمىس ساپارىمەن باردى.
كەزدەسۋ بارىسىندا ايبەك دادەباي دەپۋتاتتارعا ماڭعىستاۋ وبلىسىنىڭ اكىمى لاۋازىمىنا نۇرداۋلەت يگىلىك ۇلى قيلىباي مەن ۇلىقبەك سەرىك ۇلى تناليەۆتىڭ كانديداتۋراسىن ۇسىنۋ تۋرالى پرەزيدەنتتىڭ حاتىن وقىپ بەردى. «اشىق داۋىس بەرۋ ناتيجەسىندە 96 دەپۋتات نۇرداۋلەت قيلىبايدىڭ, 17 دەپۋتات ۇلىقبەك تناليەۆتىڭ كانديداتۋراسىن قولداپ, داۋىس بەرگەن. جينالىسقا جالپى 113 دەپۋتات قاتىستى», – دەلىنگەن حابارلامادا.
