Aqordada Mańǵystaý oblysynyń ákimi qyzmetine taǵy kim úmitker bolǵanyn málimdedi

Aqorda aqparaty boıynsha, memleket basshysy Qasym-Jomart Toqaevtyń tapsyrmasyna sáıkes, Prezıdent Ákimshiliginiń basshysy Aıbek Dádebaı Mańǵystaý oblysynyń barlyq deńgeıdegi máslıhat depýtattarynyń jınalysyna qatysý úshin Aqtaý qalasyna jumys saparymen bardy.

Kezdesý barysynda Aıbek Dádebaı depýtattarǵa Mańǵystaý oblysynyń ákimi laýazymyna Nurdáýlet Igilikuly Qılybaı men Ulyqbek Serikuly Tnalıevtiń kandıdatýrasyn usyný týraly prezıdenttiń hatyn oqyp berdi. «Ashyq daýys berý nátıjesinde 96 depýtat Nurdáýlet Qılybaıdyń, 17 depýtat Ulyqbek Tnalıevtiń kandıdatýrasyn qoldap, daýys bergen. Jınalysqa jalpy 113 depýtat qatysty», – delingen habarlamada.