Jańalyqtar
Aqpanda aýa raıy qalaı qubylady?
Foto: ashyq derekkóz
Aqpan – aýa temperatýrasynyń kúrt ózgerýimen sıpattalatyn jyldyń eń qubylmaly aılarynyń biri – aıazdar men erýler. Bul týraly «Qazgıdromet» RMK mamandary málimdedi, dep habarlaıdy qandastar.kz
Mamandardyń málimetteri boıynsha, aqpan aıynyń basynda soltústik-batys ıklonynyń áserinen bultty aýa raıy (qar, kóktaıǵaq jáne jańbyr) boljanady, eldiń soltústik jartysynda burqasyn bolady. Respýblıka boıynsha ekpindi jel soǵady, tuman túsedi, kóktaıǵaq bolady.
Respýblıkanyń basym bóliginde aqpannyń alǵashqy kúnderinde aýa temperatýrasynyń joǵarylaýy kútiledi:
- respýblıkanyń batysynda jáne ońtústiginde kúndiz 0+10°S deıin;
- respýblıkanyń soltústik jartysynda túnde -2-7°S deıin, kúndiz -4+1°S deıin.
Elimizdiń shyǵysynda jáne ortalyǵynda negizgi temperatýralyq fon túnde -12-20°S, kúndiz 0-8°S jyly bolady dep boljanýda.
Birinshi onkúndiktiń ekinshi jartysynda Qazaqstanda Salehard oblysynan keletin sýyq antııklonnyń áserinen aýa temperatýrasynyń tómendeýi boljanady:
- respýblıkanyń soltústik jartysynda túnde -28-35°S deıin, kúndiz -20-25°S deıin;
- ońtústik jartysynda túnde -13-20°S, kúndiz -5-12°S deıin, taýly aımaqtarda jáne ońtústik oblystardyń soltústiginde túnde -30°S deıin, kúndiz -20°S deıin.
