اقپاننان باستاپ اۆتوگاز قىمباتتاماق

فوتو: اشىق دەرەككوز

ەنەرگەتيكا مينيسترلىگى 1 اقپاننان باستاپ سۇيىتىلعان مۇناي گازىنىڭ باعاسىن قىمباتتاتۋدى جوسپارلاپ وتىر, دەپ جازدى qandastar.kz naryk.kz-كە سىلتەمە جاساپ.

سەبەبى سۇيىتىلعان مۇناي گازىن وندىرۋشىلەردىڭ شىعىنى كوبەيگەن. ماسەلەن, سۇيىتىلعان گاز ءوندىرىسىنىڭ قازىرگى قۇنى تونناسىنا 65-تەن 75 مىڭ تەڭگەگە دەيىن, ال ءوندىرۋشى زاۋىتتار ءۇشىن شەكتى كوتەرمە باعا تونناسىنا 45 158 تەڭگە دەڭگەيىندە بەلگىلەنگەن.

وسىعان بايلانىستى, ءوندىرۋشى زاۋىتتاردا جىل سايىنعى جوسپارلى جوندەۋلەردى جاڭعىرتۋ جانە جۇرگىزۋ ءۇشىن قاراجات تاپشىلىعى بار.

سونىمەن قاتار مينيسترلىك جانارماي باعاسىن دا قويا بەرۋدى ۇسىنىپ وتىر.

سۇيىتىلعان مۇناي گازىن تۇتىنۋ 2022 جىلعى 1,8 ملن توننادان 2024 جىلى 2,4 ملن تونناعا دەيىنگى وسكەن.

«قازاقستاندا سۇيىتىلعان مۇناي گازىنىڭ باعاسى تمد ەلدەرى اراسىندا ەڭ تومەندەردىڭ ءبىرى.

بۇيرىق جوباسىنا سايكەس سۇيىتىلعان گازدىڭ شەكتى كوتەرمە باعاسى تونناسىنا 45 158 تەڭگەدەن 51 932 تەڭگەگە دەيىن كوتەرىلەدى.

بۇل رەتتە شەكتى بولشەك ساۋدا باعاسى وڭىرلەرگە بايلانىستى 6 تەڭگەدەن 21 تەڭگەگە دەيىن ۇلعايادى.

بۇل شارا ىشكى نارىقتى تۇتىنۋدى تولىق قامتاماسىز ەتۋگە مۇمكىندىك بەرەدى جانە گاز وڭدەۋگە ينۆەستيتسيالار تارتۋ ءۇشىن جاعداي جاسايدى», — دەيدى مينيسترلىك.

تومەندە وڭىرلەرگە بايلانىستى باعانىڭ نەشە تەڭگەدەن نەشە تەڭگەگە دەيىن قىمباتتايتىنى كورسەتىلگەن.