«اقپاراتتىق تاپسىرىس ءجۇرىپ جاتىر»: «اسار-ۋمە» قورىنىڭ جەتەكشىسى ەل الدىنا شىعىپ, اقتالدى

فوتو: ۆيدەودان كادر

قوردىڭ نەگىزىن قالاۋشى اسحات نۇرماشەۆ «اسار-ۋمە» رەسمي پاراقشاسىندا كوپشىلىككە بەينەۇندەۋ جولدادى. ول قورعا قارىسى اقپاراتتىق تاپسىرىس جاسالدى دەپ سانايدى. سونداي-اق ول ايتبەك امانگەلدىگە ارادا تۇسىنىسپەۋشىلىك بولعانىن جەتكىزدى, دەپ حابارلايدى  qandastar.kz  Skifnews.kz اقپارات پورتالىنا سىلتەمە جاساپ.

اسحات نۇرماشەۆ “اسار-ۋمە” قايىرىمدىلىق قورىنا كۇمان كەلتىرگەندەر ءۇشىن جينالعان قاراجاتتىڭ ەسەپتەرى بارىنە قولجەتىمدى ەكەنىن ەرەكشە اتاپ ءوتتى.

“ادامداردىڭ كوپ بولىگى نارازى. بۇل قالاي بولعانى? جىلدار بويى حالىقتىڭ قورىنا 100, 1000 تەڭگە, ودان دا كوپ جىبەردىك. قاراجاتتىڭ قاجەتتى جەرگە جەتپەگەنى مە? مەنىڭشە, “اسار-ۋمە” قايىرىمدىلىق قورىنا قارسى اقپاراتتىق تاپسىرىس ءجۇرىپ جاتقانداي. قوردىڭ قارجىلىق ەسەپتەرى جالپىعا قولجەتىمدى. بۇل ەسەپتەر تۋرالى مىڭداعان ادام بىلەدى. اپتا سايىن شىعاتىن ۆيدەو ەسەپتەر دە بار. مىڭداعان كومپانيالار بىزبەن سەرىكتەس بولماي تۇرىپ ولار اۋديتورلىق تەكسەرىستەردى قاراپ, تەكسەرەدى. ءبىز ونى باق-تا قايتا تۇسىندىرۋگە دايىنبىز. قوردىڭ تەكسەرىستەرى مەن ەسەپتەرى تۋرالى ماسەلەنى قويا تۇرايىق”, – دەيدى قوردىڭ نەگىزىن قالاۋشى.

ول مارقۇم سالتانات نۇكەنوۆاعا قاتىستى پىكىر بىلدىرگەن ەرىكتى ءۇشىن كەشىرىم سۇرادى.

ء“بىزدى باسقا ماسەلە بويىنشا قارالاماقشى. الايدا ءبىزدىڭ مۇنداي سۇمدىق جاعدايعا ەش قاتىسىمىز جوق جانە مۇندايمەن ءبىز ەشقاشان كەلىسپەيمىز. بۇل سالتانات نۇكەنوۆاعا قاتىستى قايعىلى جاعداي. قازاقستان بويىنشا ءبىزدىڭ جۇزدەگەن ەرىكتىلەرىمىز بار. سونداي ەرىكتىلەردىڭ ءبىرى سالتانات نۇكەنوۆاعا قاتىسى پىكىر ءبىلدىرىپ, ءوز ويىن جازىپتى. وسىلايشا ءبىزدى تىعىرىققا تىرەدى. بۇل قاتە پىكىر, دەسە دە ونىڭ ءوز پىكىرى. ول – “اسار-ۋمە” قايىرىمدىلىق قورىنىڭ قىزمەتكەرى ەمەس. ەندى ءباز بىرەۋلەر ەرىكتىنىڭ پىكىرى ارقىلى مەنىڭ كىنالى ەتپەكشى. جوق, بۇل ادىلەتسىزدىك. بۇل – بارىمىزگە ورتاق تراگەديا بولدى. ءبىز ەرىكتىنىڭ پىكىرى ءۇشىن كەشىرىم سۇرايمىز. بىراق بۇل ءبىزدىڭ پىكىرىمىز ەمەس. وسىمەن ماسەلە جابىلدى دەگەن سەنىمدەمىن. بارىڭىزگە سەنىم ارتىپ, شىدامدىلىق تانىتقاندارىڭىز ءۇشىن العىس ايتامىن. ايتبەك, تۇسىنىسپەۋشىلىك بولدى. ەرىكتىنىڭ پىكىرى ءۇشىن كەشىرىم سۇرايمىن. ءبىز بۇل كوزقاراستى قولدامايمىز. ول  “اسار-ۋمەنىڭ” وكىلى ەمەس”, – دەدى اسحات نۇرماشەۆ.