«Aqparattyq tapsyrys júrip jatyr»: «Asar-Ýme» qorynyń jetekshisi el aldyna shyǵyp, aqtaldy

Foto: vıdeodan kadr

Qordyń negizin qalaýshy Ashat Nurmashev «Asar-Ýme» resmı paraqshasynda kópshilikke beıneúndeý joldady. Ol qorǵa qarysy aqparattyq tapsyrys jasaldy dep sanaıdy. Sondaı-aq ol Aıtbek Amangeldige arada túsinispeýshilik bolǵanyn jetkizdi, dep habarlaıdy  qandastar.kz  Skifnews.kz aqparat portalyna silteme jasap.

Ashat Nurmashev “Asar-Ýme” qaıyrymdylyq qoryna kúmán keltirgender úshin jınalǵan qarajattyń esepteri bárine qoljetimdi ekenin erekshe atap ótti.

“Adamdardyń kóp bóligi narazy. Bul qalaı bolǵany? Jyldar boıy halyqtyń qoryna 100, 1000 teńge, odan da kóp jiberdik. Qarajattyń qajetti jerge jetpegeni me? Menińshe, “Asar-Ýme” qaıyrymdylyq qoryna qarsy aqparattyq tapsyrys júrip jatqandaı. Qordyń qarjylyq esepteri jalpyǵa qoljetimdi. Bul esepter týraly myńdaǵan adam biledi. Apta saıyn shyǵatyn vıdeo esepter de bar. Myńdaǵan kompanııalar bizben seriktes bolmaı turyp olar aýdıtorlyq tekseristerdi qarap, tekseredi. Biz ony BAQ-ta qaıta túsindirýge daıynbyz. Qordyń tekseristeri men esepteri týraly máseleni qoıa turaıyq”, – deıdi qordyń negizin qalaýshy.

Ol marqum Saltanat Núkenovaǵa qatysty pikir bildirgen erikti úshin keshirim surady.

“Bizdi basqa másele boıynsha qaralamaqshy. Alaıda bizdiń mundaı sumdyq jaǵdaıǵa esh qatysymyz joq jáne mundaımen biz eshqashan kelispeımiz. Bul Saltanat Núkenovaǵa qatysty qaıǵyly jaǵdaı. Qazaqstan boıynsha bizdiń júzdegen eriktilerimiz bar. Sondaı eriktilerdiń biri Saltanat Núkenovaǵa qatysy pikir bildirip, óz oıyn jazypty. Osylaısha bizdi tyǵyryqqa tiredi. Bul qate pikir, dese de onyń óz pikiri. Ol – “Asar-Ýme” qaıyrymdylyq qorynyń qyzmetkeri emes. Endi báz bireýler eriktiniń pikiri arqyly meniń kináli etpekshi. Joq, bul ádiletsizdik. Bul – bárimizge ortaq tragedııa boldy. Biz eriktiniń pikiri úshin keshirim suraımyz. Biraq bul bizdiń pikirimiz emes. Osymen másele jabyldy degen senimdemin. Bárińizge senim artyp, shydamdylyq tanytqandaryńyz úshin alǵys aıtamyn. Aıtbek, túsinispeýshilik boldy. Eriktiniń pikiri úshin keshirim suraımyn. Biz bul kózqarasty qoldamaımyz. Ol  “Asar-Ýmeniń” ókili emes”, – dedi Ashat Nurmashev.