الەم جاڭالىقتارىجاڭالىقتار
اقش اعىلشىن ءتىلىن مەملەكەتتىك ءتىل دەپ بەكىتتى
فوتو:istockphoto.com
اقش-تا تاريحي وقيعا بولدى – ەل اۋماعىندا قولدانىلاتىن تىلدەردىڭ ءبىرى العاش رەت زاڭدى تۇردە مەملەكەتتىك ءتىل رەتىندە تانىلدى, – دەپ حابارلايدى qandastar.kz
«بۇل بۇيرىق اعىلشىن ءتىلىن امەريكا قۇراما شتاتتارىنىڭ رەسمي ءتىلى رەتىندە بەلگىلەيدى», – دەلىنگەن اق ءۇيدىڭ مالىمدەمەسىندە.
Aikyn.kz جازعانلاي, تيءىستى جارلىققا اقش پرەزيدەنتى دونالد ترامپ قول قويدى. قۇجاتقا سايكەس, بۇل قادام ەل تۇرعىندارىنىڭ بىرلىگىن نىعايتۋ جانە ورتاق امەريكالىق مادەنيەتتى ساقتاۋ ماقساتىندا قابىلداندى.
سونىمەن قاتار جارلىقتىڭ ءبىر تارماعى اعىلشىن ءتىلىن جەتكىلىكتى دەڭگەيدە بىلمەيتىن ازاماتتارعا مەملەكەتتىك قىزمەتتەردى باسقا تىلدەردە ۇسىنۋعا مۇمكىندىك بەرگەن نورماتيۆتىك قۇقىقتىق اكتىلەردىڭ كۇشىن جويادى.
رەسمي دەرەكتەرگە سۇيەنسەك, اقش ازاماتتارىنىڭ شامامەن 80 پايىزى ۇيدە تەك اعىلشىن تىلىندە سويلەيدى. ال يسپان ءتىلى تانىمالدىعى جاعىنان ەكىنشى ورىندا – ونى تۇرعىنداردىڭ 10 پايىزى قولدانادى. سونداي-اق ەلدە الەمنىڭ ءتۇرلى تىلدەرىندە سويلەيتىن ميلليونداعان ادام بار
