الەم جاڭالىقتارى
اقش الداعى 48 ساعات ىشىندە يراننىڭ مۇمكىن شابۋىلىنا دايىندالىپ جاتىر – NBC News
فوتو: depositphotos.com
NBC News ارناسىنىڭ پەنتاگونداعى ەكى دەرەككوزى مەن اق ءۇيدىڭ جوعارى لاۋازىمدى وكىلى حابارلاعانداي, دونالد ترامپ اكىمشىلىگى يران تاراپىنان جاسالۋى مۇمكىن قارىمتا سوققىعا دايىندالۋدا, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
الداعى 48 ساعات ەرەكشە الاڭداۋشىلىق تۋعىزىپ وتىر.
اقپارات كوزدەرىنىڭ ايتۋىنشا, يراننىڭ اقش-تىڭ يادرولىق نىساندارعا جاساعان اۋە شابۋىلىنا جاۋاپ بەرەرى ازىرگە ناقتى ەمەس. قارىمتا سوققى اقش-تىڭ شەتەلدەگى نەمەسە ىشكى ينفراقۇرىلىمدارىنا, نە بولماسا ەكەۋىنە بىردەي باعىتتالۋى مۇمكىن.
سوڭعى بىرنەشە اي بويى اقش-تىڭ شەتەلدىك اسكەري بازالارى جوعارى جاۋىنگەرلىك دايىندىق رەجيمىندە جۇمىس ىستەپ كەلگەن. الايدا, دەرەككوزدەردىڭ سوزىنشە, 13 ماۋسىمدا يزرايل مەن يران اراسىندا سوعىس باستالعاننان كەيىن, ۆاشينگتوندا شابۋىل قاۋپىنە قاتىستى الاڭداۋشىلىق بۇرىنعىدان دا كۇشەيە تۇسكەن.
ەسكە سالايىق, يران اقش سوققى جاساعانعا دەيىن يادرولىق نىساندى ەۆاكۋاتسيالاپ ۇلگەرگەنىن مالىمدەگەن ەدى.
