اقش دوللارىن ساتۋمەن اينالىسقان قازاقستاندىق ۇستالدى

فوتو: پوليتسيا

اتىراۋدا ءىرى كولەمدە جالعان اقش دوللارىن ساتۋمەن اينالىسقان كۇدىكتى ۇستالدى, دەپ جازدى qandastar.kz

اتىراۋ وبلىسى پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل ىزدەستىرۋ ءىس-شاراسى كەزىندە 50 اقش دوللارىن ساتۋمەن اينالىسقان 24 جاستاعى ەر ادامدى انىقتادى.

«ءتىنتۋ كەزىندە كۇدىكتىدەن جالپى سوماسى 8 750 اقش دوللارى بولاتىن 175 دانا جالعان 50 دوللارلىق كۋپيۋرا تاركىلەندى. ونىڭ شەت مەملەكەتتەردەن كولىك اكەلىپ, ساتاتىنى انىقتالدى», — دەپ جازىلعان حابارلامادا.

قازىر كۇدىكتى جالعان اقشانى قايدان العانى جانە قايدا وتكىزبەك بولعانى تەكسەرىلىپ جاتىر.

«كۇدىكتىگە قاتىستى (شەتەل ۆاليۋتاسىن نەمەسە شەتەل ۆاليۋتاسىنداعى باعالى قاعازداردى وتكىزۋ ماقساتىندا جاساۋ نەمەسە ساقتاۋ, وتكىزۋ بويىنشا) قىلمىستىق ءىس تىركەلىپ, سوتالدى تەرگەپ-تەكسەرۋ جۇرگىزىلىپ جاتىر», — دەپ جازىلعان حابارلامادا.