اقش قازاقستاننان جەر جالعا الماق: سەنات كەلىسىمدى راتيفيكاتسيالادى

فوتو: pixabay.com

سەنات قازاقستان مەن اقش ۇكىمەتتەرى اراسىنداعى الماتىدا كونسۋلدىق مەكەمەسىنىڭ عيماراتىن سالۋ ءۇشىن اقش-قا جەر تەلىمىن جالعا بەرۋ تۋرالى كەلىسىمدى راتيفيكاتسيالادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

امەريكا قۇراما شتاتتارى الماتىدا باس كونسۋلدىقتىڭ جاڭا عيماراتىن سالۋ ءۇشىن شامامەن 7 گەكتار (70 593 شارشى مەتر) جەر ۋچاسكەسىن 49 جىل مەرزىمگە جالعا الادى. امەريكا قۇراما شتاتتارى كەلىسىم كۇشىنە ەنگەننەن كەيىن 30 كۇن ىشىندە بىرجولعى تولەممەن 25,3 ميلليون دوللار تولەيدى.

شارتقا سايكەس, اقش سالىق پەن كەدەندىك باج سالىعىنان بوساتىلادى. ولار عيماراتتى سالۋعا, كۇتىپ ۇستاۋعا, جوندەۋگە جانە كوممۋنالدىق قىزمەتتەردى تولەۋگە ارنالعان بارلىق شىعىندى وز موينىنا الادى.

اۋماقتا كونسۋلدىق عيماراتىنان بولەك, اقش-تىڭ قازاقستانداعى ساۋدا مينيسترلىگىنىڭ وكىلدىگى, اقش-تىڭ ەسىرتكىگە قارسى كۇرەس اگەنتتىگىنىڭ كەڭسەلەرىن اشۋ جوسپارلانعان.

زاڭ ازىرلەۋشىلەر جاڭا كونسۋلدىق ورتالىق ازياداعى ەڭ ءىرى ۆيزالىق ورتالىققا اينالادى. بۇل قازاقستاننىڭ ءيميدجىن كوتەرۋگە, ينۆەستيتسيا تارتۋعا, جۇمىس ورىندارىن اشۋعا, بيزنەس پەن قىزمەت كورسەتۋ سالاسىن دامىتۋعا سەپتىگىن تيگىزۋگە ءتيىس.

سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋلليننىڭ ايتۋىنشا, الماتىداعى قازىرگى كونسۋلدىق قىزمەتكەرلەرى جاڭا عيمارات سالىنعان كەزدە سوعان كوشەدى.

قازىر الماتىدا امەريكا كونسۋلدىعى ورنالاسقان ەكى عيمارات بار, ولاردى جەكەمەنشىك تارتىپپەن جالعا الىپ وتىر. سوندىقتان جاڭا باس كونسۋلدىق عيماراتى سالىنىپ, اشىلعاندا, ارينە, وسى باس كونسۋلدىق قىزمەتكەرلەرىنىڭ بارلىعى جاڭا عيماراتقا كوشەدى. شاتتى كەڭەيتۋ جوسپارلارىنا كەلەتىن بولساق, شىنىمدى ايتسام, ول جاعىن بىلمەيدى ەكەنمىن. تولىق ينفراقۇرىلىمى بار تولىققاندى عيمارات بولاتىنىنا سۇيەنە وتىرىپ, مەنىڭ ويىمشا, ءبىرشاما كەڭەيۋى مۇمكىن. بىراق ول جاعى بەلگىسىز – امەريكالىق تاراپپەن جۇمىس ىستەۋ كەرەك», — دەدى ءمينيستردىڭ ورىنباسارى سەنات كۋلۋارىندا.

ەل پرەزيدەنتى راتيفيكاتسيالانعان كەلىسىمگە قول قويعان كەزدە اكىمدىك پەن باس كونسۋلدىق قوسىمشا كەلىسىم جاساپ, جاڭا عيماراتتىڭ قۇرىلىسى باستالادى.