AQSh pen Qytaı saýda kelissózderin jalǵastyrady – Bloomberg

AQSh pen Qytaı arasyndaǵy saýda kelissózderi búgin, 10 maýsym kúni Londonda qaıta jalǵasady. Bul týraly Bloomberg agenttigi derekkózge silteme jasap jarııalady, dep habarlaıdy Qandastar.kz aqparat portaly. 

Kelissózderdiń alǵashqy kúni Býkıngem saraıy mańyndaǵy Lancaster House ǵımaratynda ótti jáne alty saǵattan astam ýaqytqa sozyldy. Kelesi kezdesý seısenbi kúni jergilikti ýaqytpen tańǵy 10:00-de ótpek.

AQSh delegaııasyn Qarjy mınıstri Skott Bessent, Saýda mınıstri Hovard Lıýtnık jáne Saýda ókili Djeımıson Grır bastap bardy. Qytaı delegaııasyn vıe-premer He Lıfen basqardy.

Bessent kelissózderdiń «jaqsy ótkenin» aıtsa, Lıýtnık olardy «jemisti» dep baǵalady. Qytaı delegaııasy baspasózge túsinikteme bermedi.

Eske sala keteıik, buǵan deıin 5 maýsymda QHR Tóraǵasy Sı zınpın AQSh prezıdenti Donald Tramppen telefon arqyly sóılesip, eki el arasyndaǵy yntymaqtastyqty jandandyrý qajettigin atap ótken bolatyn. Sonymen qatar, Qytaı basshysy Vashıngtondy Qytaıǵa qarsy shekteý sharalarynan bas tartýǵa shaqyrdy jáne AQSh Prezıdentin Qytaıǵa resmı saparmen kelýge úndedi.