الەم جاڭالىقتارى
اقش پەن ۋكراينا سيرەك كەزدەسەتىن مينەرالدار تۋرالى كەلىسىمگە قول قويدى
فوتو: اشىق دەرەككوز
اقش پەن ۋكراينا سيرەك كەزدەسەتىن مينەرالدار تۋرالى كەلىسىمگە قول قويدى, دەپ جازدى qandastar.kz
ۇزاققا سوزىلعان داۋ-دامايدان كەيىن دونالد ترامپ دىتتەگەنىنە جەتتى. مامىلە جايلى اقپاراتپەن ۋكراينانىڭ ۆيتسە-پرەمەرى ءارى ەكونوميكا ءمينيسترى يۋليا سۆيريدەنكو ءبولىستى. ول ءوزىنىڭ الەۋمەتتىك جەلىسىندە اقش-پەن ەكونوميكالىق ارىپتەستىك ورناتقانىن قۋانا حابارلادى. سونداي-اق, ۋكراينانى قالپىنا كەلتىرۋگە ارنالعان ينۆەستيتسيالىق قوردى قۇرۋعا جول اشىلعانىن مالىمدەدى.
atamekenbusiness_qaz حابارلاعانداي, قور ەلدى قالپىنا كەلتىرۋگە, ينفراقۇرىلىمدى جاڭعىرتۋعا, بيزنەستى قولداۋعا جانە ەكونوميكانى دامىتۋ ءۇشىن ينۆەستيتسيا تارتۋدىڭ ءتيىمدى قۇرالىنا اينالۋى ءتيىس. ترامپ ءۇشىن بۇل كەلىسىمشارت اسا ماڭىزدى. ول ۆاشينگتوننىڭ ۋكرايناعا كورسەتكەن اسكەري كومەگى ءۇشىن وتەماقى رەتىندە تابيعي رەسۋرستار مەن پايدالى قازبالارعا قول جەتكىزۋدى كوزدەپ وتىر.
