Álem jańalyqtary
AQSh soty Qytaıdan Sovid-19 taralýyna baılanysty 24 mıllıard dollar talap etti
Foto: freepik
Mıssýrıdiń federaldy soty Qytaı úkimetin SARS-CoV-2 koronavırýsy týraly derekterdi jasyrǵany úshin kináli dep taýyp, bılikten 24 mlrd dollar ótemaqy óndirýge sheshim shyǵardy. Bul týraly The New York Times jazdy,dep habarlaıdy qandastar.kz
AQSh ótemaqynyń qaıtarymy retinde Qytaı aktıvterin tárkilemek.
Qytaıdyń kommýnıstik partııasyna qarsy talap-aryzdy 2020 jyly Mıssýrıdiń burynǵy bas prokýrory Erık Shmıtt bergen. Qujatta Covid-19 pandemııasynyń alǵashqy aılarynda Pekın vırýstyń bolýy men taralýy týraly derekterdi jasyryp, basqa elderde mańyzdy medıınalyq jabdyqtardy, sonyń ishinde jeke qorǵanys quraldaryn óndirýge, sondaı-aq olardy satyp alýǵa jáne eksporttaýǵa kedergi keltirgeni aıtylǵan.
Sot sheshiminde Qytaı álemdi pandemııanyń qaýpi men aýqymyna qatysty aqparatpen adastyrdy jáne jeke qorǵanysh quraldary óndirisindegi monopolııaǵa ákeletin áreketpen aınalysty delingen. Sol sebepti AQSh vırýstyń taralýyna der kezinde tosqaýyl qoıa almaǵany jáne jetkilikti deńgeıde jabdyqtardy satyp ala almaı qalǵany jaıly jazylǵan. Covid-19 Mıssýrıdegi 2020 jáne 2021 jyldardaǵy ólimniń úshinshi sebebi boldy.
Vashıngtondaǵy Qytaı elshiliginiń ókili Lıý Penıýı el sot sheshimin moıyndamaıtynyn atap ótti. Sondaı- aq ol eger Qytaıdyń múddeleri zardap shegetin bolsa, jaýap qaıtarýǵa ýáde berdi.
