الەم جاڭالىقتارى
اقش-تا بايدەن مەن ترامپ تەلەدەباتتا ۋكراينانى تالقىلادى
فوتو: rus.delfi.ee
كەلىسپەۋشىلىكتەر مەن ءوزارا بالاعاتتارعا قاراماستان, ەكى ۇمىتكەر دە رەسەي پرەزيدەنتى ۆلاديمير پۋتين ايتقان ۋكرايناداعى بەيبىت رەتتەۋ شارتتارىنا كوڭىلدەرى تولمايتىنىمەن كەلىسەدى. بۇل تۋرالى ريا نوۆوستي حابارلادى.
اقش پرەزيدەنتى دجو بايدەننىڭ ايتۋىنشا, ەگەر ول ۋكراينادا جەڭىسكە جەتسە, رەسەي بەلارۋستى قىسىمعا الادى.
اقش-تىڭ بۇرىنعى پرەزيدەنتى دونالد ترامپپەن سايلاۋ الدىنداعى تەلەدەبات كەزىندە بايدەن رەسەي باسشىسى ۆلاديمير ءپۋتيندى تاعى دا بالاعاتتاپ, ونى «اسكەري قىلمىسكەر» دەپ اتادى.
«ول كەڭەس يمپەرياسىنىڭ ءبىر بولىگى بولعان جەردى قالپىنا كەلتىرگىسى كەلەدى جانە جاي عانا بولىگىن ەمەس, بۇكىل ۋكراينانى الۋدى قالايدى. قالاي ويلايسىز, ول سوندا توقتايدى ما? ۋكراينانى العان كەزدە پولشا نە بولادى, بەلارۋس نە بولادى, ناتو ەلدەرىمەن نە بولادى دەپ ويلايسىز?» – دەدى بايدەن.
ۆلاديمير پۋتين رەسەيدىڭ ناتو ەلدەرىنە قاۋىپ توندىرمەيتىنىن جانە باتىس ساياساتكەرلەرى حالىق نازارىن ىشكى ماسەلەلەردەن باسقا جاققا اۋدارۋ ءۇشىن رەسەيدەن كەلەتىن ويدان قۇراستىرىلعان قاۋىپپەن قورقىتىپ وتىرعانىن مالىمدەدى.
ءوز كەزەگىندە دونالد ترامپ ەگەر رەسەي امەريكانىڭ قازىرگى كوشباسشىسى دجو بايدەندى قۇرمەتتەسە, ۋكرايناداعى قاقتىعىس بولماس ەدى دەدى.
«ەگەر بىزدە رەسەي كوشباسشىسى ۆلاديمير پۋتين قۇرمەتتەيتىن ناعىز پرەزيدەنت بولسا, ول ەشقاشان ۋكرايناعا باسىپ كىرمەس ەدى», — دەدى ترامپ بايدەنمەن سايلاۋ الدىنداعى پىكىرتالاس كەزىندە.
ول امەريكالىق اسكەريلەردىڭ اۋعانستاننان شىعارىلۋىنا بايدەندى ايىپتادى.
«پۋتين مۇنى كورگەندە ۋكرايناعا باسىپ كىرۋگە شەشىم قابىلدادى دەپ ويلايمىن», — دەدى ترامپ.
دەگەنمەن اقش-تىڭ بۇرىنعى پرەزيدەنتى دونالد ترامپ رەسەي كوشباسشىسىنىڭ ۋكرايناداعى قاقتىعىستى توقتاتۋ ءۇشىن مالىمدەگەن شارتتارىن ءجونسىز دەپ اتاپ, ۋكرايناداعى قاقتىعىستى ءوزى بيلىككە كەلگەنگە دەيىن شەشە الاتىنىن دا مالىمدەدى.
«مەن 20 قاڭتاردا اق ءۇي باسشىسى قىزمەتىنە رەسمي كىرىسكەنگە دەيىن پۋتين مەن زەلەنسكي اراسىنداعى بۇل قاقتىعىستىڭ شەشىلۋىن قامتاماسىز ەتەمىن. مەن بۇل ماسەلەنى شەشەمىن — مەن ونى اق ۇيگە كىرمەي تۇرىپ-اق شەشەمىن», — دەدى رەسپۋبليكاشىل-ساياساتكەر.
مەن اۋدارىپ, ءوزىم سالا بەرەمىن.
