جاڭالىقتار
اقش-تا كەي قۇجاتتارعا بايدەننىڭ ورنىنا باسقا شەنەۋنىكتەر قول قويعان
اقش كونگرەسى اق ءۇيدىڭ ءتورت قىزمەتكەرىنىڭ سول كەزدەگى پرەزيدەنت دجو بايدەننىڭ ورنىنا اۆتوماتتى قولتاڭبانى قولدانىپ, قۇجاتتارعا زاڭسىز تۇردە قول قويعانىن انىقتادى. بۇل تۋرالى وكىلدەر پالاتاسىنىڭ قاداعالاۋ جانە ۇكىمەتتىك رەفورما كوميتەتىنىڭ توراعاسى, رەسپۋبليكالىق دجەيمس كومەر ءمالىم ەتتى, دەپ حابارلايدى Qandastar.kz اقپارات پورتالى.
ءبىز ءتورت قىزمەتكەردى انىقتادىق. ولار قۇجاتتاردى بايدەنگە ۇسىنباي, اۆتوماتتى قول قويۋ جۇيەسىنە باعىتتاپ, ناتيجەسىندە قۇجاتتاردا بايدەننىڭ قولتاڭباسى پايدا بولعان, — دەدى كومەر Fox News تەلەارناسىنا بەرگەن سۇحباتىندا.
كومەر بۇل ماسەلەدە كىم رۇقسات ەتتى جانە قانداي نەگىزدە جۇزەگە استى دەگەن سۇراقتار ماڭىزدى ەكەنىن اتاپ ءوتتى. ونىڭ ايتۋىنشا, كونگرەسس بۇل قىزمەتكەرلەردى كۋالىك بەرۋگە شاقىرادى.
بۇل وقيعا بايدەننىڭ دەنساۋلىعى مەن باسقارۋ قابىلەتىنە قاتىستى قوعامدا تۋىنداعان كۇمانمەن تۇسپا-تۇس كەلىپ وتىر. بۇعان دەيىن اقش-تىڭ بۇرىنعى پرەزيدەنتى دونالد ترامپ بايدەن اكىمشىلىگىنىڭ كەيبىر مۇشەلەرىن مەملەكەتكە وپاسىزدىق جاسادى دەپ ايىپتاعان بولاتىن. ول ميگرانتتارعا شەكارا اشۋ جانە كوشى-قون زاڭدارىنا بايدەننىڭ اتىنان قول قويۋ امەريكا مۇددەسىنە قارسى ارەكەت دەپ ەسەپتەيدى.
