AQSh-ta keı qujattarǵa Baıdenniń ornyna basqa sheneýnikter qol qoıǵan

AQSh Kongresi Aq úıdiń tórt qyzmetkeriniń sol kezdegi prezıdent Djo Baıdenniń ornyna avtomatty qoltańbany qoldanyp, qujattarǵa zańsyz túrde qol qoıǵanyn anyqtady. Bul týraly О́kilder palatasynyń qadaǵalaý jáne úkimettik reforma komıtetiniń tóraǵasy, respýblıkalyq Djeıms Komer málim etti, dep habarlaıdy Qandastar.kz aqparat portaly.

Biz tórt qyzmetkerdi anyqtadyq. Olar qujattardy Baıdenge usynbaı, avtomatty qol qoıý júıesine baǵyttap, nátıjesinde qujattarda Baıdenniń qoltańbasy paıda bolǵan, — dedi Komer Fox News telearnasyna bergen suhbatynda.

Komer bul máselede kim ruqsat etti jáne qandaı negizde júzege asty degen suraqtar mańyzdy ekenin atap ótti. Onyń aıtýynsha, Kongress bul qyzmetkerlerdi kýálik berýge shaqyrady.

Bul oqıǵa Baıdenniń densaýlyǵy men basqarý qabiletine qatysty qoǵamda týyndaǵan kúmánmen tuspa-tus kelip otyr. Buǵan deıin AQSh-tyń burynǵy prezıdenti Donald Tramp Baıden ákimshiliginiń keıbir múshelerin memleketke opasyzdyq jasady dep aıyptaǵan bolatyn. Ol mıgranttarǵa shekara ashý jáne kóshi-qon zańdaryna Baıdenniń atynan qol qoıý Amerıka múddesine qarsy áreket dep esepteıdi.