AQSh-ta qulaǵan ushaqta álem chempıondary bolǵan – BAQ

Foto:Pixabay

Búgin tańerteń American Airlines ushaǵy Vashıngtondaǵy Potomak ózenine qulady. Buqaralyq aqparat quraldarynyń málimetinshe, bortta birneshe mánerlep syrǵanýshy bolýy múmkin, dep qandastar.kz  aqparat portaly Massaget.kz-ke silteme jasap habarlaıdy.

Aldyn ala derekter boıynsha Vıchıtadan Vashıngtonǵa ushqan ushaq bortynda 60-qa jýyq jolaýshy bolǵan. Jýyrda Vıchıtada mánerlep syrǵanaýdan AQSh chempıonaty ótti.

«Elıtalyq dıvızıonǵa irikteýden ótken mánerlep syrǵanaýshylar qosymsha bir kúnge qaldy, keıin olardyń birnesheýi American Airlines 5342 reısine otyrǵan», – dep  The Kansas City News basylymy ulttyq komandanyń mánerlep syrǵanýshysy Lıýk Vannyń sózin keltirdi.

Sports.ru aqparatyna súıensek, sportshylardyń arasynda 1994 jylǵy juptyq mánerlep syrǵanaýdan álem chempıondary, reseılik Evgenııa Shıshkova men Vadım Naýmov bolýy múmkin. Sporttaǵy karerasyn aıaqtaǵannan keıin olar AQSh-qa kóship, jattyqtyrýshylyq qyzmetin jalǵastyrǵan. Olardyń uly Maksım Naýmov AQSh quramasynda óner kórsetedi, ótken chempıonatta 4-orynǵa ıe bolǵan.

Mash Telegram arnasy bortta bolýy múmkin sportshylar tizimin jarııalady.

• Endrıý Torgashev;
• Maksım Naýmov;
• Alısa Efımova;
• Mısha Mıtrofanov;
• Ketı Makbet;
• Danııl Parkman;
• Krıstına Karreıra;
• Entonı Ponomarenko;
• Alekseı Щepetov;
• Annabel Morozov;
• Artem Markelov;
• Anton Spırıdonov;
• Danıla Savelev.
• AQSh-tyń mánerlep syrǵanaý qaýymdastyǵy bul oqıǵaǵa qatysty pikir bildirgen joq.

Buǵan deıin ne belgili?

Eske salaıyq, 2025 jyly 30 qańtarda AQSh astanasy Vashıngtondaǵy Ronald Reıgan áýejaıynyń mańynda ushaq tikushaqpen soqtyǵysyp, ózenge qulaǵany habarlandy.

Oqıǵa mańynda qutqarýshylar jumys istep jatyr. Sonymen qatar, tikushaqtar men qaıyqtar jumyldyrylǵan.

Keıinirek Potomak ózenine qulaǵan ushaq bortynda 60 jolaýshy men tórt ekıpaj múshesi bolǵany aıtyldy.