جاڭالىقتار
اقش-تا سۋعا باتىپ, قايتا جوندەلگەن: قازاقستان نارىعىندا جارامسىز كولىكتەر ساتىلۋى ىقتيمال
فوتو: autotopik.ru
قازاقستانعا اقش-تان “سۋعا باتقان كولىكتەر” كەلۋى مۇمكىن. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
Consumer Reports زەرتتەۋشىلەرىنىڭ مالىمەتىنشە, اقش-تا جىل سايىن سۋ تاسقىنى مىڭداعان كولىكتى زاقىمدايدى. دەگەنمەن, زاقىمدالعان بارلىق كولىك قوقىسقا جىبەرىلمەيدى. كەيبىرەۋلەرى جوندەلىپ, باسقا شتاتتاردا قايتا ساتىلادى. مۇنداي «سۋعا باتقان كولىكتەر» قازاقستاندا دا پايدا بولۋى مۇمكىن.
Carfax ەسەبىنە سايكەس, 2023 جىلى سۋ باتقان 454 مىڭعا جۋىق كولىك جولدارعا قايتا ورالعان. تەك 2024 جىلدىڭ جازىندا عانا اقش-تا 89 مىڭنان استام كولىك سۋعا باتقان كولىكتەر. بۇل دەرەكتەر اقش-تىڭ وڭتۇستىك-شىعىس جاعالاۋىندا جاقىندا بولعان حەلەن جانە ميلتون داۋىلدارىنىڭ اسەرىن ەسەپكە الماعانداعى كورسەتكىشتەر.
2024 جىلدىڭ كوكتەمىندە قازاقستاننىڭ بىرقاتار وڭىرلەرى دە اۋقىمدى سۋ تاسقىنىنا تاپ بولدى. تۇرعىن ۇيلەر مەن باسقا دا م ۇلىكتەر, سونىڭ ىشىندە اۆتوكولىكتەر سۋ استىندا قالدى. مۇنداي كولىكتەر جوندەلىپ, قايتا نارىققا شىعارىلۋى مۇمكىن, سوندىقتان ساراپشىلار جۇرىلگەن اۆتوكولىكتى ساتىپ العاندا مۇقيات بولۋعا كەڭەس بەرەدى.
سۋ كولىكتىڭ ەلەكترونيكاسىن, مايلارىن جانە مەحانيكالىق جۇيەلەرىن زاقىمداۋى مۇمكىن. كورروزيا ءاۆتوموبيلدىڭ ماڭىزدى ەلەكترونيكاسىنا, سونىڭ ىشىندە قاۋىپسىزدىك جاستىقشاسىنا دا ەنەدى. مۇنداي جاعدايلاردا اۆتوكولىكتەر مامانداردىڭ مۇقيات تەكسەرۋىن تالاپ ەتەدى.
Consumer Reports باس مەحانيگى دجون يببوتسون سۋ استىندا قالعان بەلگىلەرى بار كولىكتەردى ساتىپ الماۋعا كەڭەس بەرەدى.
سۋ استىندا قالعان كولىكتى بىرنەشە بەلگىلەرىنەن انىقتاۋعا بولادى:
– كولىك ىشىندەگى توسەنىشتەردە كوگەرگەن نەمەسە كەپتىرىلگەن كىردىڭ بار-جوعىن تەكسەرىڭىز. ەسكى كولىكتەگى جاڭا توسەنىشتەر دە كۇدىك تۋدىرادى;
– ورىندىقتىڭ بەكىتۋ بۇراندالارىنىڭ بۇعان دەيىن شەشىلىپ-شەشىلمەگەنىن تەكسەرىڭىز. وسىنداي مانيپۋلياتسيالار كولىكتىڭ ءىشىن كەپتىرۋ ءۇشىن قولدانىلادى;
– كولىكتىڭ فارالارىن تەكسەرىڭىز, لينزادا نەمەسە رەفلەكتوردا تۇرىپ قالعان سۋدىڭ جولاعى بولۋى مۇمكىن;
– كولىكتىڭ قول جەتكىزۋ قيىن جەرلەرىندە قوقىس پەن كىردىڭ بار-جوعىن تەكسەرۋ كەرەك. قوزعالتقىش بولىگىنىڭ اينالاسىنداعى سۋ ىزدەرى دە اۆتوموبيلدى سۋ باسقانىن كورسەتەدى;
– موتور مايىن دا تەكسەرۋ قاجەت. موتور مايى سۋمەن ارالاسقاندا ءسۇت كوكتەيلىنە ۇقسايتىن ءبىرتۇرلى كەيىپكە ەنەدى;
ەسكە سالساق, بۇعان دەيىن Egov.kz پورتالىندا كولىكتىڭ تاريحىن تەكسەرۋ قىزمەتى ىسكە قوسىلعانى تۋرالى جازعان ەدىك.
