AQSh-ta taǵy bir ushaq úıler ústine qulap, apatqa ushyrady

BBC málimetinshe, apatqa ushyraǵan Learjet 55 tıesili áýe jedel járdem kompanııasy bortta tórt ekıpaj múshesi, bir naýqastyń jáne onymen birge erip shyqqan jolaýshy bolǵanyn naqtylaǵan.

«Qazirgi ýaqytta biz qandaı da bir málimetterdi, sonyń ishinde qaza bolýǵa qatystyny rastaı almaımyz», — delingen Jet Rescue Air Ambulance málimdemesinde.

Jergilikti BAQ-tyń habarlaýynsha, ushaq qulaǵan jerde kóptegen zardap shegýshi bar. Apat jergilikti ýaqyt boıynsha saǵat 18:30 shamasynda Roosevelt Mall mańynda bolǵan.

«Fıladelfııa meri Sherell Parker oqıǵa ornynan ótkizilgen baspasóz máslıhatynda jerde birneshe úı men kólikter otqa oranǵanyn aıtty. Zardap shekkender bar. Jedel járdem ushaǵy Soltústik-Shyǵys Fıladelfııa áýejaıynan ushyp, Mıssýrıdegi Sprıngfıld-Brensonǵa bet alǵan. Apatqa ne túrtki bolǵany áli belgisiz», — deıdi basylym.

Bul — AQSh-taǵy bıylǵy ekinshi ushaq apaty. Beısenbide Vashıngtonda Bombardier CRJ 700 ushaǵy men Sikorsky N-60 áskerı tikushaǵy (Black Hawk) soqtyǵysyp, 67 adam qaza tapqan bolatyn.