اقش-تا جاس ساياساتكەردى ستۋدەنتتەر الدىندا اتىپ كەتتى

فوتو: اشىق دەرەككوز

پوليتسيا دەرەگىنشە, وق كورشىلەس كامپۋستىڭ شاتىرىنان اتىلعان. 31 جاستاعى چارلي كيركتىڭ قازا تاپقانىن دونالد ترامپ راستادى. اقش پرەزيدەنتى مارقۇمدى « ۇلى, ءتىپتى اڭىزعا اينالعان تۇلعا» دەپ اتادى. ترامپ ەلدە تۋلاردى ءتۇسىرۋدى بۇيىردى, دەپ حابارلايدى    qandastar.kz     

«اقش-تا جاستاردى چارليدەي ەشكىم ءتۇسىنىپ, سەزىنە المادى. ونى بارلىعى جاقسى كورىپ, قۇرمەتتەدى, اسىرەسە مەن. ەندى ول ارامىزدا جوق. مەلانيا ەكەۋىمىز ونىڭ اياۋلى جارى ەريكاعا جانە وتباسىنا كوڭىل ايتامىز. چارلي, ءبىز سەنى جاقسى كورەمىز!» — دەپ جازدى ترامپ الەۋمەتتىك جەلىدە.

CBS مالىمەتىنشە, كيرك ولىمگە اكەلگەن جاراقاتتى يۋتا شتاتىنىڭ ورەم قالاسىنداعى يۋتا القابى ۋنيۆەرسيتەتىندە كۇندىزگى ءسوز سويلەۋ كەزىندە العان. پوليتسيانىڭ ايتۋىنشا, وق 180–200 مەتر قاشىقتىقتان اتىلعان. بەينەجازبالاردا وق اتىلعان ءسات ەستىلىپ, كيركتىڭ قۇلاپ تۇسكەنى, ال كورەرمەندەردىڭ دۇربەلەڭمەن قاشقانى بايقالادى. جارالانعان ساياساتكەردى اۋىر حالدە اۋرۋحاناعا جەتكىزگەن, الايدا ەكى جارىم ساعاتتان سوڭ قايتىس بولدى.

Arasha.kz جازعانداي,  فبر ديرەكتورى كەش پاتەلدىڭ سوزىنشە, كيركتىڭ كۇدىكتى قىلمىسكەرىن ۇستاعان, بىراق ونىڭ جەكە باسى ازىرگە جاريالانباعان.

چارلي كيرك Turning Point USA ۇيىمىنىڭ نەگىزىن قالاۋشى رەتىندە بەلگىلى — ول اقش-تاعى ەڭ ىقپالدى كونسەرۆاتيۆتى ستۋدەنتتىك قوزعالىستاردىڭ بىرىنە اينالعان. TPUSA-نىڭ ماقساتى جاستار اراسىندا وڭشىل يدەيالاردى, ءداستۇرلى قۇندىلىقتاردى جانە ەكونوميكالىق ليبەراليزمدى ناسيحاتتاۋ ەدى. كيرك شەشەندىگىمەن تانىلدى, راديودا, پودكاستتاردا ءسوز سويلەپ, تەلەارنالارعا شىعىپ, اقش رەسپۋبليكالىق پارتياسىنىڭ سەزدەرىنە قاتىسقان.