AQSh-ta jas saıasatkerdi stýdentter aldynda atyp ketti

Foto: ashyq derekkóz

Polıııa dereginshe, oq kórshiles kampýstyń shatyrynan atylǵan. 31 jastaǵy Charlı Kırktiń qaza tapqanyn Donald Tramp rastady. AQSh prezıdenti marqumdy «uly, tipti ańyzǵa aınalǵan tulǵa» dep atady. Tramp elde týlardy túsirýdi buıyrdy, dep habarlaıdy    qandastar.kz     

«AQSh-ta jastardy Charlıdeı eshkim túsinip, sezine almady. Ony barlyǵy jaqsy kórip, qurmettedi, ásirese men. Endi ol aramyzda joq. Melanııa ekeýimiz onyń aıaýly jary Erıkaǵa jáne otbasyna kóńil aıtamyz. Charlı, biz seni jaqsy kóremiz!» — dep jazdy Tramp áleýmettik jelide.

CBS málimetinshe, Kırk ólimge ákelgen jaraqatty Iýta shtatynyń Orem qalasyndaǵy Iýta alqaby ýnıversıtetinde kúndizgi sóz sóıleý kezinde alǵan. Polıııanyń aıtýynsha, oq 180–200 metr qashyqtyqtan atylǵan. Beınejazbalarda oq atylǵan sát estilip, Kırktiń qulap túskeni, al kórermenderdiń dúrbeleńmen qashqany baıqalady. Jaralanǵan saıasatkerdi aýyr halde aýrýhanaǵa jetkizgen, alaıda eki jarym saǵattan soń qaıtys boldy.

Arasha.kz jazǵandaı,  FBR dırektory Kesh Pateldiń sózinshe, Kırktiń kúdikti qylmyskerin ustaǵan, biraq onyń jeke basy ázirge jarııalanbaǵan.

Charlı Kırk Turning Point USA uıymynyń negizin qalaýshy retinde belgili — ol AQSh-taǵy eń yqpaldy konservatıvti stýdenttik qozǵalystardyń birine aınalǵan. TPUSA-nyń maqsaty jastar arasynda ońshyl ıdeıalardy, dástúrli qundylyqtardy jáne ekonomıkalyq lıberalızmdi nasıhattaý edi. Kırk sheshendigimen tanyldy, radıoda, podkasttarda sóz sóılep, telearnalarǵa shyǵyp, AQSh Respýblıkalyq partııasynyń sezderine qatysqan.