Álem jańalyqtary
AQSh-taǵy prezıdent saılaýyna 1 kún qaldy: saýalnamalar ne deıdi?
Amerıkadaǵy Five Thirty Eight saýalnama portaly ártúrli ınstıtýttardyń sońǵy saýalnamalarynyń ortasha nátıjelerin jarııalady, dep habarlaıdy qandastar.kz Ulysmedia.kz-ke silteme jasap.
3 qarasha, ıaǵnı saılaýǵa eki kún qalǵanda, analıtıkterdiń jarııalaǵan derekterine sáıkes, el boıynsha qoldaý deńgeıi: Harrıs úshin 47,9% jáne Tramp úshin 47,0% quraǵan.
5 qarashadaǵy saılaýdyń nazarynda jeti «qubylmaly» shtat bar: Arızona, Djordjııa, Nevada, Mıchıgan, Soltústik Karolına, Pensılvanııa jáne Vıskonsın.
Bul shtattarda saılaýshylardyń daýysy úshin kúres ásirese qyzý júrip jatyr, al Harrıs pen Tramp arasyndaǵy aıyrma kóbinese mınımaldy. Munda kim jeńse – aıyrma qanshalyqty az bolsa da tıisti shtattyń barlyq daýysyn alady.
3 qarashadaǵy saýalnamalar nátıjeleri Five Thirty Eight-te tómendegideı kórsetilgen:
• Arızona: Tramp 49% / Harrıs 46,5%
• Djordjııa: Tramp 48,5% / Harrıs 47,1%
• Nevada: Tramp 47,9% / Harrıs 47,3%
• Mıchıgan: Harrıs 47,8% / Tramp 47,1%
• Soltústik Karolına: Tramp 48,4% / Harrıs 47,2%
• Pensılvanııa: Tramp 48% / Harrıs 47,7%
• Vıskonsın: Harrıs 48,2% / Tramp 47,4%
Saılaýǵa deıingi sońǵy kúnderde eki kandıdat ta ózderiniń nátıjelerin jaqsartý úshin negizinen osy jeti «qubylmaly» shtatta belsendilik tanytýda.
Amerıka Qurama Shtattarynda 538 saılaýshy daýsy bar. Prezıdentti saılaý úshin osy 538 daýystyń 270 daýsy qajet. Kalıfornııa shtaty eń kóp saılaýshy (54) bar shtat.
