اقش-تىڭ باج سالىعىنان كەيىن ازيالىق قور نارىقتارى قۇلدىرادى

فوتو:Pexels.com

دونالد ترامپ 185 ەلدەن اكەلىنەتىن تاۋارلارعا باج سالىعىن ەنگىزگەننەن كەيىن ازيالىق قور نارىقتارى قۇلدىراپ جاتىر. بۇل تۋرالى  qandastar.kz    Stan.kz اقپارات اگەنتتىگىنە سىلتەمە جاساپ حابارلايدى.

اقش باج سالىعىن كوتەرگەننەن كەيىن جاپونيانىڭ Nikkei 225 يندەكسى 8%, ال كورەيالىق Kospi 5%-عا جۋىق تومەندەدى. گونكونگ قور بيرجاسىنىڭ HSI نەگىزگى يندەكسى 9%-دان استام قۇلادى. بۇل – جىل باسىنان بەرگى ەڭ تومەنگى كورسەتكىشتەر. ينۆەستورلار جاھاندىق ساۋدا سوعىسىنان قورقادى.

ازيانىڭ مەملەكەتتىك ورگاندارى مەن ءىرى ەكسپورتتاۋشى ەلدەر كەزدەسۋلەر وتكىزىپ, نارىقتى تۇراقتاندىرۋ شارالارىن قابىلداپ جاتىر.

قىتايدان اقش-قا ءونىم جەتكىزۋ تاريفتەرى 34%, جاپونيا مەن وڭتۇستىك كورەيا ءۇشىن 24% جانە 25%-عا تەڭ.

بۇعان دەيىن ترامپ قازاقستان تاۋارلارىنا باج سالىعىن 27% كوتەرگەنى ايتىلدى. الايدا ساۋدا مينيسترلىگى جاڭا تاريفتىڭ ەكسپورتقا ايتارلىقتاي اسەرى جوق ەكەنىن ايتادى.