الەم جاڭالىقتارى
اقش-تىڭ USAID اگەنتتىگى رەسمي تۇردە جابىلدى
فوتو: Getty Images
اقش مەملەكەتتىك حاتشىسى ماركو رۋبيو حالىقارالىق دامۋ جونىندەگى اقش اگەنتتىگىنىڭ (USAID) جابىلعانىن الەۋمەتتىك جەلى X ارقىلى حابارلادى, دەپ جازدى qandastar.kz
ونىڭ ايتۋىنشا, بۇل شەشىم پرەزيدەنت دونالد ترامپ قاڭتاردا باستاعان اۋقىمدى رەفورمانىڭ بولىگى. بۇل تۋرالى Stan.kz اقپارات اگەنتتىگى حابارلايدى.
سول كەزدە ترامپ شەتەلدىك كومەك باعدارلامالارىن 90 كۇنگە توقتاتىپ, ولاردىڭ تيىمدىلىگىن قايتا قاراۋدى تاپسىرعان ەدى.
«قاڭتاردان بەرى ءبىز سالىق تولەۋشىلەرگە ونداعان ميلليارد دوللار ۇنەمدەدىك. USAID رەسمي تۇردە جابىلادى, ال نەگىزگى باعدارلامالار مەملەكەتتىك دەپارتامەنتكە بەرىلدى», – دەدى مەملەكەتتىك حاتشى.
The Guardian دەرەگىنشە, 2025 جىلدىڭ 30 قىركۇيەگىنە دەيىن USAID-ءتىڭ بارلىق شەتەلدىك وكىلدىكتەرى جابىلادى, ال اگەنتتىكتىڭ 83 پايىزى باعدارلامالارى قازىردىڭ وزىندە توقتاتىلعان.
5 ناۋرىزدا كونگرەسكە جاساعان جولداۋىندا دونالد ترامپ USAID شىعىندارىن, سونىڭ ىشىندە شەتەلدە لگبت قۇقىقتارىن قورعاۋعا جۇمسالعان 40 ميلليون دوللاردى «كۇماندى» جانە «ماعىناسىز» دەپ اتادى. ول اسىرەسە قازاقستانداعى لگبت قاۋىمداستىعىن قولداۋعا بولىنگەن 10 ميلليون دوللارعا ەرەكشە نازار اۋداردى.
The New York Post اقپاراتىنا سايكەس, ترامپ اكىمشىلىگى شەتەلدىك كومەكتى 5 ميلليارد دوللارعا قىسقارتۋدى جوسپارلاپ وتىر, ونىڭ 3,2 ميللياردى USAID باعدارلامالارىنا ارنالعان. بۇعان دەيىن Lancet جۋرنالى USAID باعدارلامالارىنىڭ توقتاتىلۋى الداعى جىلدارى گۋمانيتارلىق كومەكتىڭ قىسقارۋىنا بايلانىستى 14 ميلليوننان استام ادامنىڭ ءومىرىن قيۋى مۇمكىن ەكەنىن ەسكەرتكەن.
ەسكە سالايىق, بۇعان دەيىن USAID قازاقستاندا ازاماتتىق قوعامدى دامىتۋ مەن لگبت-عا قانشا قاراجات بولگەنى بەلگىلى بولعانىنجازعان ەدىك.
