Álem jańalyqtary
AQSh-tyń USAID agenttigi resmı túrde jabyldy
Foto: Getty Images
AQSh memlekettik hatshysy Marko Rýbıo halyqaralyq damý jónindegi AQSh agenttiginiń (USAID) jabylǵanyn áleýmettik jeli X arqyly habarlady, dep jazdy qandastar.kz
Onyń aıtýynsha, bul sheshim prezıdent Donald Tramp qańtarda bastaǵan aýqymdy reformanyń bóligi. Bul týraly Stan.kz aqparat agenttigi habarlaıdy.
Sol kezde Tramp sheteldik kómek baǵdarlamalaryn 90 kúnge toqtatyp, olardyń tıimdiligin qaıta qaraýdy tapsyrǵan edi.
«Qańtardan beri biz salyq tóleýshilerge ondaǵan mıllıard dollar únemdedik. USAID resmı túrde jabylady, al negizgi baǵdarlamalar Memlekettik departamentke berildi», – dedi memlekettik hatshy.
The Guardian dereginshe, 2025 jyldyń 30 qyrkúıegine deıin USAID-tiń barlyq sheteldik ókildikteri jabylady, al agenttiktiń 83 paıyzy baǵdarlamalary qazirdiń ózinde toqtatylǵan.
5 naýryzda Kongreske jasaǵan joldaýynda Donald Tramp USAID shyǵyndaryn, sonyń ishinde shetelde LGBT quqyqtaryn qorǵaýǵa jumsalǵan 40 mıllıon dollardy «kúmándi» jáne «maǵynasyz» dep atady. Ol ásirese Qazaqstandaǵy LGBT qaýymdastyǵyn qoldaýǵa bólingen 10 mıllıon dollarǵa erekshe nazar aýdardy.
The New York Post aqparatyna sáıkes, Tramp ákimshiligi sheteldik kómekti 5 mıllıard dollarǵa qysqartýdy josparlap otyr, onyń 3,2 mıllıardy USAID baǵdarlamalaryna arnalǵan. Buǵan deıin Lancet jýrnaly USAID baǵdarlamalarynyń toqtatylýy aldaǵy jyldary gýmanıtarlyq kómektiń qysqarýyna baılanysty 14 mıllıonnan astam adamnyń ómirin qııýy múmkin ekenin eskertken.
Eske salaıyq, buǵan deıin USAID Qazaqstanda azamattyq qoǵamdy damytý men LGBT-ǵa qansha qarajat bólgeni belgili bolǵanynjazǵan edik.
