Jańalyqtar

AQSh jańa ıadrolyq bomba jasady

21.05.2025

0 41

AQSh Energetıka mınıstri Krıs Raıt Tehas shtatyndaǵy Amarıllo qalasynda ornalasqan Pantex ıadrolyq qarý zaýytynda B61-13 dep atalatyn jańa ıadrolyq erkin qulaıtyn bomba jasaǵanyn resmı túrde málimdedi. Bul týraly Qandastar.kz saıty NNSA saıtyna silteme jasap habarlaıdy.

Málimeterge sensek, Habarlamada NNSA AQSh-tyń ıadrolyq arsenalyn jańǵyrtý aıasynda B61 otbasynyń eń sońǵy nusqasy B61-13 bombasyn jospardan buryn jasap shyǵarǵanyn aıtty. Bul bomba sýyq soǵystan keıingi kezeńdegi eń jyldam daıyndalyp, qarýly kúshterge qabyldanǵan ıadrolyq qarýlardyń biri bolyp otyr.

Mınıstr Raıttyń aıtýynsha, ıadrolyq arsenaldy jańartý burynǵy prezıdent Donald Tramptyń «Kúsh arqyly beıbitshilik» qaǵıdatyn júzege asyrýda sheshýshi ról atqarady.

B61-13 bombalaryn tek strategııalyq bombalaýshy ushaqtar alyp júre alady jáne olardy AQSh-tyń qurlyqtaǵy áskerı bazalarynda ornalastyrý josparlanyp otyr.

2023 jyldyń qazan aıynda Pentagon B61 ıadrolyq bombasyn B61-13 nusqasyna deıin jańartýǵa nıetti ekenin málimdegen edi. Bul sheshim «potenıaldy qarsylastar tarapynan tónetin qaýipterdiń artýyna» baılanysty qabyldanǵan. NNSA basshysynyń mindetin atqarýshy Tereza Robbıns bıylǵy mamyr aıynda B61-13 bombalarynyń jappaı óndirisi bastalatynyn habarlaǵan.

Defense News basylymynyń málimetinshe, B61-13 bombasynyń qýaty B61-7 nusqasyna uqsas bolady jáne eskirgen erkin qulaıtyn bombalardyń birqataryn almastyrady. Amerıkalyq ǵalymdar federaııasynyń (FAS) dereginshe, B61-7 bombasynyń eń joǵary qýaty – 360 kılotonna.

2024 jyldyń qańtarynda NNSA B61-12 termoıadrolyq bombalaryn jańǵyrtý baǵdarlamasy aıaqtalǵanyn habarlaǵan. B61 otbasy AQSh ıadrolyq arsenalyndaǵy eń kóne jáne ámbebap qarý túri. B61-12 nusqasy B61-3, B61-4, B61-7 jáne B61-10 bombalaryn almastyrady. Bul nusqanyń qýaty 50 kılotonnaǵa deıin, olardy F-35A joıǵysh ushaqtary jetkiziledi.

Ilmekter