الەم جاڭالىقتارى
اقشا تابۋ ءۇشىن تايلاندقا كەتكەن ءتورت قازاق ميانمادا قۇلدىققا تۇسكەن
فوتو: Pixabay
اقشا تابۋ ءۇشىن تايلاندقا كەتكەن ءتورت قازاقستاندىق ادام ساۋداسىمەن اينالىسقان توپتاردىڭ قۇربانى بولدى. ولار ميانمادا الاياقتىق بايلانىس ورتالىقتارىندا جۇمىس ىستەۋگە ءماجبۇر بولعان. بۇل تۋرالى qandastar.kz اقپارات پورتالى «دۋنە» اا-عا سىلتەمە جاساپ حابارلايدى.
قازاقستاندىقتاردان باسقا, وزبەكستاننىڭ ەكى ازاماتى جانە قىرعىزستاننان سەگىز ادام وسىنداي جاعدايعا تاپ بولعان. ديپلوماتتاردىڭ كومەگىمەن بارلىق زارداپ شەككەندەردى ۇيگە قايتارۋعا مۇمكىندىك تۋدى.
«جابىرلەنۋشىلەردىڭ ايتۋىنشا, ولارعا تايلاندتا جوعارى اقى تولەنەتىن ونلاين جۇمىس ۇسىنىلعان. تەگىن اۋە بيلەتتەرى ۇسىنىلعان. الايدا, تايلاندقا كەلگەننەن كەيىن ولار ميانماعا زاڭسىز جەتكىزىلدى. وندا ولار ادام ساۋداسىمەن اينالىساتىن قىلمىستىق توپتاردىڭ قولىندا بولدى. ولار الاياقتىق بايلانىس ورتالىقتارىندا جۇمىس ىستەۋگە ءماجبۇر بولعان. ولار زاڭسىز ارەكەتتەردى ورىنداپ, فيزيكالىق زورلىق-زومبىلىق پەن قوقان-لوققىلارعا تاپ بولعان. ولاردى ازات ەتۋ جانە وتاندارىنا ورالۋ ءۇشىن ۇلكەن اقشالاي وتەماقى قاجەت بولدى», – دەلىنگەن اقپاراتتا.
قىرعىزستاننىڭ تايلاندتاعى ديپلوماتيالىق وكىلدىگىنىڭ جوقتىعىن ەسكەرە وتىرىپ, قازاقستان مەن وزبەكستان ديپلوماتتارى قىرعىز تاراپىنىڭ ءوتىنىشى بويىنشا وسى ازاماتتاردىڭ وتانىنا ورالۋىن ۇيىمداستىرۋعا جاردەم كورسەتكەن.
