«اقشا تاپپاساڭ قاسىڭدى قىرىپ, مۇشەلەرىڭدى كەسىپ تاستايمىز»: قىزىلوردادا سىنىپتاستارى قۇلدىقتا ۇستاعان قىز بار شىندىقتى ايتتى

فوتو: تەنگرينيۋس

قىزىلوردادا سىنىپتاستارى بىرنەشە اي بويى قۇلدىقتا ۇستاپ, سەكسۋالدىق قىزمەت كورسەتۋگە ءماجبۇر ەتكەن 16 جاستاعى قىز بار شىندىعىن باياندادى, – دەپ حابارلايدى qandastar.kz turkystan.kz-كە سىلتەمە جاساپ.

قىزدىڭ جازعانىن دينا ءتاڭسارى فەيسبۋك جەلىسىندەگى پاراقشاسىندا جاريالادى. وندا ءجاسوسپىرىم ءوزىن قورلاعانداردىڭ مايلىقتى جاعىپ, ءىش كيىمىنە سالىپ ءسوندىرۋدى تالاپ ەتكەنىن, باسسەينگە تۇنشىقتىرعانىن, ولتىرەمىز دەپ پىشاقپەن قورقىتقانىن, تاعى باسقا نەشە ءتۇرلى سۇمدىقتارىن ايتقان. جابىرلەنۋشىنىڭ حاتىن تومەندە تولىقتاي بەرىپ وتىرمىز.

«2022 جىلى 10-سىنىپتان باستاپ مەن كلاستاس قىز ن-مەن دوستاستىم. ول مەنىڭ ۇيىمە كەلىپ, بىرنەشە رەت قونعان. مەنىڭ انامدى «ماموچكا» دەيتىن. مەن دە ونىڭ ۇيىندە بىرنەشە رەت تۇنەدىم.

2023 جىلدىڭ جەلتوقسانىندا, جاڭا جىلعا ءبىر اپتا قالعاندا ن جانە ونىڭ نەمەرە اپكەسى ج-مەن بىرشە «Alen» كلۋبىندا بولدىق. ول ىشىمدىك ءىشىپ, بىزگە دە ۇسىندى. ءبىز كەلىستىك. ءبىز ىشكەن كەزدە ول ۆيدەو كامەراعا ءتۇسىرىپ الدى. 7 قاڭتارعا دەيىن ول مەنەن سۇراماي تەلەفونىمدى لومباردقا وتكىزىپ جىبەردى.

7 قاڭتاردا «Djoo Bar» پابىندا تەلەفوندا مەنىڭ جالاڭاش سۋرەتىم بار ەكەنىن ايتتى, بىراق كورسەتپەدى. سوسىن كورسەتتى. مەن سۋرەتتى ءوشىردىم, بىراق سۋرەت تەلەفوننىڭ مۇراعاتىندا ساقتالعان ەكەن. 4 اقپانعا ءبىر اپتا قالعاندا ج مەنەن سۇراماي, مەنىڭ تەلەفونىم ارقىلى مەنى Kizdar NET سايتىنا تىركەپ, انكەتا تولتىردى. مەن اشۋلانا باستادىم, ج مەن ن مەنىڭ جالاڭاشش سۋرەتتەرىمدى اتا-انام مەن تۋعان-تۋىستارىما كورسەتەمىز دەدى. «اقشا تاباتىن بولامىز, بىراق جۇمىس ىستەيتىن سەن بولاسىڭ!»-دەدى.

مەن كۇيىندىم, نە ىستەرىمدى بىلمەدىم. ولار مەنى بالاعاتتاپ, قوقان-لوققى كورسەتتى. مەن شاراسىز كۇيگە ءتۇستىم. ولاردىڭ ايتقانىنا باعىندىم. انكەتا بىردەن جاريالانعان جوق, مودەراتسيادان ءوتىپ جاتتى-اۋ دەيمىن. ج مەن ن ماعان كلۋبتان كليەنت ىزدەۋدى تالاپ ەتتى. مەن ولاردىڭ نە تالاپ ەتىپ تۇرعانىن تۇسىنبەدىم. سوندا ولار: «اشىق بيلەيتىن بولاسىڭ, سوندا جىگىتتەر ساعان جاقىندايدى, سوندا پاتەرگە بارۋدى ۇسىناسىڭ»,-دەدى.

ءبىرىنشى كليەنت ە ەسىمدى جىگىت بولدى. مەن قاتتى قورىقتىم, جاقىن قاتىناسقا تۇسكىم كەلمەدى. بىراق ول مەنى كۇشپەن الدى. بۇنىڭ ءبارى 4 اقپاندا بولدى. وسى كەزدە انكەتا مودەراتسيادان ءوتىپ, تاعى ءبىر «كليەنت» پايدا بولدى. مەن بۇل ىسپەن اينالىسقىم كەلمەدى. بىراق جاقىندارىما سۋرەتىمدى كورسەتەمىز دەگەننەن بولەك, ۇرىپ-سوعامىز دەپ قورقىتتى. اقپان ايىنىڭ سوڭىندا ايەلدىك ورگاندارىمدا پروبلەما باستالدى. مەديتسينالىق كومەككە جۇگىنگىم كەلدى. بىراق ن مەن ج تىيىم سالدى. قورقىنىش, شاراسىزدىق مەنىڭ بويىمدى بيلەپ الدى.

اقپاننان باستاپ مەن ن ءوزىنىڭ اناسىمەن تۇراتىن ۇيدە ءجيى بولدىم. اناسى ىلعي ۆاحتادا بولاتىن. مەن ۇنەمى ن مەن ج-نىڭ باقىلاۋىندا بولدىم. ولاردىڭ بۇيىرۋىمەن, اتا-اناما داياشى بولىپ جۇمىسقا ورنالاستىم دەپ ايتۋعا ءماجبۇر بولدىم. تۇندە ۇيقىم قانبايتىندىقتان, ساباق ۇستىندە ۇيىقتاپ قالاتىن بولدىم. مۇعالىم اشۋلانا باستاعاندا ن: «كەتتىك!»-دەيتىن. ءبىز بىرگە ساباقتان كەتىپ قالاتىنبىز. قورلاۋ, قوقان-لوققى كورسەتۋ كۇندەلىكتى ىسكە اينالدى.

11 ناۋرىزدا د دەگەن كليەنت مەنى «مەف» تۇتىنۋعا ماجبۇرلەدى. مەن باس تارتتىم. ول كۇشتەن يىسكەتتى. ودان كەيىنگى وقيعالار ەسىمدە جوق. 1,5 تاۋلىك ۇيىقتادىم. ءبىر اپتادان كەيىن ول قايتادان قوڭىراۋ سوعىپ, تاعى تۇتىنۋدى ۇسىندى. مەن ن-ءنىڭ پاتەرىنە كەتتىم. وندا ن مەن ج مەنىڭ ەسكىرتكىگە ماسايعان ءساتىمدى ۆيدەوعا تۇسىرگەن. سول ۆيدەونى ينتەرنەتتە تاراتامىز, جاقىندارىڭا كورسەتەمىن, پوليتسياعا ۇستىڭنەن ارىز جازامىز دەپ بوپسالاي باستادى.

ناۋرىز ايىنان باستاپ ن مەن ج مەنى ۇرا باستادى. پاتەردى دۇرىس جينامادىڭ, ىدىس-اياقتى جۋمادىڭ دەپ سىنىققا سىلتاۋ ىزدەپ, ۇرا بەرەتىن. سەبەپسىز دە ۇراتىن. كومپيۋتەردەگى ويىننان ۇتىلىپ قالسا دا ۇردى. ەسىنەن تانعانشا قىلقىندىردى. قىزىق ءۇشىن باسسەينگە باتىردى. ابدەن شارشاعانشا وتىعىزىپ-تۇرعىزاتىن. مەنىڭ تانىستارىم مەن تۋىستارىما مەنىڭ تەلەفونىمنان, مەنىڭ اتىمنان, مەنىڭ ابىرويىما نۇقسان كەلتىرەتىن حابارلامالار جىبەرەتىن. مەنى قولمەن ۇرىپ, اياقپەن تەۋىپ, باسىمنان تەپكىلەيتىن.

2024 جىلدىڭ ساۋىرىندە د ەسىمدى جىگىت (25 جاستا) مەنىڭ ءنومىرىمدى گ ەسىمدى دوسىنا بەردى. گ مەنىڭ نەمەن اينالىسىپ جۇرگەنىمدى مەنىڭ اتا-اناما ايتامىن دەپ, مەنى بوپسالاي باستادى. 30 ساۋىردە د-نىڭ ءوزى «پوليتسيا قىزمەتكەرى ەكەنىن, ەگەر مەن ونىڭ قوناقتارىنا قىزمەت كورسەتەتىن بولسام, مەنى ەسەپكە قويمايتىنىن» ايتتى. ول الاياق بولىپ شىقتى.

ساۋىردە د ەسىمدى جىگىت (مەنىڭ كلاستاسىم) مەنىڭ وقيعامدى ءبىلىپ, «سەن جاقسى اقشا تاباسىڭ عوي» دەپ, مەنەن كۇنىنەن 5000 تەڭگە تالاپ ەتە باستادى. مەنىڭ تەلەفونىمدى الىپ, جازبالاردى قارادى. قورىققانىمنان بىرنەشە رەت سۇراعانىن تولەۋگە ءماجبۇر بولدىم.

مامىردا ن مەن ج شىمكەنتكە بارىپ كەلمەك بولدى. مەنەن شۇعىل 300 مىڭ تەڭگە تاۋىپ بەرۋدى تالاپ ەتىپ, قورقىتتى. مەن مۇنداي سومانى جىلدام تابا الماعاندىقتان اتا-انامنان سۇراۋدى تالاپ ەتتى. «جۇمىستا داياشى قىزدىڭ تەلەفونىن سىندىرىپ الدىم» دەپ ايت دەدى. سول ءۇشىن اكەمنەن اقشا سۇرادىم.

29 مامىردا ن-ءنىڭ تۋعان كۇنى بولدى. سول كۇننەن ءبىر اپتا بۇرىن ولار ماعان 500 مىڭ تەڭگە تابۋدى بۇيىردى. اكەم سىيلاعان جاڭا Apple iPhone 15 Pro Max تەلەفونىمدى لومباردقا وتكىزۋدى ۇسىندى. ولاردان قاتتى قورىققاندىقتان 27 مامىردا تەلەفونىمدى لومباردقا 380 مىڭ تەڭگەگە وتكىزىپ, اقشانى بەردىم.

ماۋسىم ايىنىڭ باسىندا ن-ءنىڭ اناسى ۆاحتادان كەلەتىندىكتەن, ن مەن ج ماعان جالدامالى پاتەرگە اقشا تابۋدى بۇيىردى. مەن ول اقشانى تاپتىم, پاتەر جالدادىق. بىزگە د (سىنىپتاسىم) مەن ونىڭ تۋىسقانى ا قوسىلدى. ولار وندا «ءبىزدى ەسەپكە قويدى!» دەپ مەنى قورلاپ, ۇرىپ-سوقتى.

زاجيشالكامەن اياعىمدى كۇيدىردى, مايلىقتى تۇتاتىم, ءىش كيىمىمنىڭ (ترۋسي) ىشىنە سالىپ, ءسوندىرۋدى بۇيىردى. پوليەتيلەن پاكەتتى تۇتاتىپ, جانعان پاكەتتى ىشىمە تامشىلاتتى, كۇيىك ىزدەرى دەنەمدە قالىپ قويعان. تۇندە عانا ەمەس, كۇندىز دە «جۇمىس ىستەۋدى» تالاپ ەتتى. بەيتانىس قىزدارعا مەنى ۇرعىزدى. ول قىزداردىڭ ءبىرى بوكسپەن اينالىسقان, سوققىلارى قاتتى بولدى. ۇيىقتاتپادى, تاماق بەرمەدى. اشتىقتان ولاردان قالعان تاماقتى جەدىم.

ماۋسىم ايىندا ن مەن ج كەزەكتى رەت شىمكەنتكە كەتكەندە 3 جىگىت كەلدى. ءبىرىنشى ا كەلىپ, تامىزدىڭ ورتاسىنا دەيىن 450 مىڭ تەڭگە تاۋىپ بەرۋىمدى تالاپ ەتتى. «مەنىڭ اعام ۇقك قىزمەتكەرى. ەگەر اقشانى تاپپاساڭ اعام ەكەۋمىز ساعان جانە سەنىڭ وتباسىڭا پروبلەما تاۋىپ بەرەمىز» دەپ, ولىممەن قورقىتتى.

ءوز ءومىرىم مەن دەنساۋلىعىم, وتباسىمنىڭ ءومىرى ءۇشىن قورىققاندىقتان مەن وعان قولىمدا بار 55 مىڭ تەڭگەنى بىردەن بەردىم. بۇل سيتۋاتسيا تۋرالى ن مەن ج ءبىلدى. سول ءۇشىن قاتتى اشۋلانىپ, تاسبوگەت كوپىرىنىڭ استىندا مەنى قاتتى سوققىعا جىقتى.

ۇرعان كەزدە «انامدى ۋلايتىندارىن, سول ءۇشىن اكەمدى جاۋاپكەرشىلىككە تارتاتىنىن» نەمەسە «اتا-اناما ۆيدەولاردى كورسەتىپ, جاريالاپ جىبەرمەس ءۇشىن 1-2 ملن تەڭگە تالاپ ەتەتىندەرىن» ايتتى. مەن الگى جىگىتتەرگە بىرنەشە كۇن بويى تولەمەدىم. بىراق ولار مەنى تاۋىپ, بانك كارتاسىنان اقشا شەشىپ بەرۋگە ءماجبۇر ەتتى. ن مەن ج بۇل تۋرالى دا ءبىلىپ, ولارعا اقشا بەرۋىمدى توقتاتۋدى تالاپ ەتىپ, تاعى دا ۇردى.

ءبىراز ۋاقىت وتكەننەن كەيىن سول جىگىتتەردىڭ ءبىرى د مەنى كوشەدە توقتاتىپ, كۇشتەپ ا-نىڭ ماشيناسىنا وتىرعىزدى. تۋىستارىنىڭ جەكەمەنشىك ۇيىنە كەلىپ, شارۋاشىلىق قۇرىلىسىن كورسەتىپ, «ءبىز وسى جەرگە سەنى تاماقسىز, تەلەفونسىز قاماپ تاستايمىز» دەدى. د قولىنا سىم الىپ, مەنى ۇرۋعا دايىندالدى. مەن قورقىپ, اقشام جوق ەكەنىن, اكەم مۇگەدەك ەكەنىن ايتىپ, ولاردىڭ اياۋشىلىق سەزىمىن تۋدىرۋعا تىرىستىم. سوندا ا: «ونى ولتىرەيىك, اياعىنا ەرىتىندى قۇيىپ, داريا وزەنىنە اعىزىپ جىبەرەيىك»-دەدى. بىراق د «ول ءبىزدىڭ اۋداننان عوي» دەپ قارسى شىقتى. سول كەزدە مەن شىنىمەن دە مەنى ءولتىرۋى مۇمكىن ەكەنىن سەزدىم.

سوسىن ولار مەنى ماشيناعا وتىرعىزىپ الىپ كەتتى. مەن ءوز اجالىمدى كۇتىپ, ساۋساعىمنان اكريلدى تىرناعىمدى ج ۇلىپ الىپ, اۆتوكولىك ورىندىعىنىڭ اراسىنان جۇك سالعىشقا لاقتىردىم. بولاشاقتا تىم بولماسا تىرناعىم تابىلسىن دەگەن ويمەن ىستەدىم. «كۇندىزگى ءتورت پەن بەستىڭ اراسىندا ولار مەنى 28 ءۇيدىڭ قاسىنان ءتۇسىرىپ: «اقشا ىزدە! اقشا تاپپاساڭ د سەنى كۇندە ۇراتىن بولادى»-دەدى.

سودان كەيىە ا مەن د مەنى ۇنەمى ۇرىپ-سوقتى. ا پىشاقپەن قورقىتتى. كەيىن ا ول پىشاقتى ن مەن د-عا بەردى. ولار ونى مەنى ۇرعان سايىن پايدالانىپ, ولتىرەمىز دەپ قورقىتىپ, اقشا تالاپ ەتىپ, دەنەمدى ءتىلدى.

5 تامىزدا ا ەسىمدى ەركەك مەنى جالدامالى پاتەرگە شاقىرىپ, پوليتسيادا ىستەيتىنىن ايتىپ, مەنى ەسەپكە قويماس ءۇشىن ءبىر اپتادا 700 مىڭ تاۋىپ بەرۋدى تالاپ ەتتى. مەنى بالاعاتتاپ, قولىمدا بار قولما-قول اقشانى الىپ كەتتى.

ج مەن ن مەندە قانداي دا ءبىر اقشا بولعانىن, ونىڭ ەندى جوق ەكەنىن ءبىلىپ قويىپ, اشۋلانىپ, 1,5 ليترلىك سۋ تولى ەكى بوتەلكەنى باسىما لاقتىردى. مەن جالتارىپ ۇلگەردىم. بىراق بوتەلكەلەر موينىما ءتيىپ, ءىز قالىپ قويدى.

سوسىن ولار پىشاقتىڭ جۇزىنە دەپيلياتسياعا ارنالعان كرەمدى جاعىپ, كۇشتەپ, قاسىما تيگىزىپ, تاڭعا دەيىن 250 مىڭ تابۋدى بۇيىردى. «ەگەر اقشانى تاپپاساڭ, قاسىڭدى, شاشىڭدى قىرىپ, جىنىس مۇشەلەرىڭدى كەسىپ تاستايمىز»-دەدى. مەنىڭ ايەلدىك ورگاندارىم قاتتى اۋىرىپ جۇرگەنىن, ەندى «جۇمىس ىستەي المايتىنىمدى» ءتۇسىنىپ, جۇمىس ىستەۋگە ءوزىم سياقتى كونبىس قىزداردى تابۋدى تالاپ ەتتى. تاڭەرتەڭ مەن شاراسىزدىقتان ب ەسىمدى تانىس جىگىتكە حابارلاسىپ, وقيعامدى ايتىپ بەردىم. ول اكەمە قوڭىراۋ سوعىپ, ءبارىمىز كەزدەستىك. ءبارىمىز بىرگە ۋچاسكەلىك پوليتسياعا باردىق. ول ورنىندا بولمادى. سوسىن ۇيگە كەلدىك, مەن ۇيىقتاپ الىپ, ءبارىن اناما ايتىپ بەردىم. بۇل كەشكى 20:00 كەزى ەدى. انام بىردەن پوليتسياعا ارىز جازدى».