«اقشالارىن وففشورلىق ايماقتارعا اپارادى»: دەپۋتات جەمقور شەنەۋنىكتەردىڭ شەتەلگە شىعۋىنا تىيىم سالۋدى ۇسىندى

فوتو: اشىق دەرەككوز

ماجىلىستە «سىبايلاس جەمقورلىققا قارسى ءىس-قيمىل تۋرالى» زاڭ جوباسىن تالقىلاۋ بارىسىندا دەپۋتات پەن cىبايلاس جەمقورلىققا قارسى ءىس-قيمىل كوميتەتى توراعاسىنىڭ ورىنباسارى اراسىندا داۋ تۋىندادى. بۇل تۋرالى qandastar.kz اقپارات اگەنتتىگى حابارلايدى.

ءماجىلىس دەپۋتاتى ازات پەرۋاشەۆ قازاقستاندىق جەمقورلاردىڭ شەتەلگە شىعۋىنا تىيىم سالۋ ماسەلەسىن كوتەردى.

«جەمقور شەنەۋنىكتەر اقشالارىن وففشورلىق ايماقتارعا اپارادى, كەيىن ونى تابۋ مۇمكىن ەمەس. كەيدە قارجى مونيتورينگى اگەنتتىگى ول جاقتا قانشا اقشا بار, قايدا ەكەنىن بىلمەيدى. جەمقورلار بۇل اقشانى ءار جەرگە تىعىپ, جاسىرىپ قويادى. ولار ۇستالاتىنىن بىلسە دە, تاۋەكەلگە بارادى, ۇستالسا, سودان كەيىن شارتتى تۇردە بوساتىلادى نەمەسە ايىپپۇلمەن قۇتىلىپ, ءارى قاراي ۇلكەن سومامەن شەتەلگە كەتەدى. «اق جول» فراكتسياسى 2017 جىلدان بەرى زاڭ شەڭبەرىندە شەنەۋنىكتەردىڭ شەتەلگە شىعۋىنا تىيىم سالۋدى ۇسىنىپ وتىر», – دەدى.

پەرۋاشەۆتىڭ ايتۋىنشا, مەملەكەتتىك ورگاندار بىلتىر بۇل تۇزەتۋدى قولداماعان. سوندىقتان دەپۋتات سىبايلاس جەمقورلىققا قارسى ءىس-قيمىل باسقارماسى باسشىسىنىڭ ورىنباسارى ۇلان سارقۇلوۆتان مۇنداي نورمانى قولداي ما دەپ سۇرادى.

ء«بىز باسقا ورگاندارمەن دە جۇمىس ىستەپ جاتىرمىز. اكتيۆتەردى قايتارۋ كوميتەتى دەپ اتالاتىن جانە اتىشۋلى قىلمىستىق ىستەر بار ەكەنىن ءتۇسىنۋىمىز كەرەك. سولارمەن جۇمىس ىستەپ, كورەيىك. جالپى, ماسەلەگە كەڭىرەك قاراۋ كەرەك. ءبىز بۇل ماسەلەگە قاتىستى ماسەلەلەردى شەشۋىمىز كەرەك. ءاربىر ادامنىڭ جەكە جاۋاپكەرشىلىگى بار. كەز كەلگەن سىبايلاس جەمقورلىقتى مەملەكەتكە وپاسىزدىق رەتىندە قاراستىرۋ كەرەك, قاجەت بولسا, ءبىز ولاردى قولدايمىز جانە جۇزەگە اسىرامىز», – دەپ جاۋاپ بەردى سارقۇلوۆ.

Stan.kz جازعانداي, پەرۋاشەۆ بۇل جاۋاپقا قاناعاتتانبادى.

«مەن بۇل جاۋاپقا قاناعاتتانبايمىن. اركىم وزىنەن باستاۋ كەرەك دەگەن جالپى پىكىر جەمقور شەنەۋنىكتى سوت سونداي دەپ تانىپ, سوتتاعان كەزدە كومەكتەسپەيدى. وعان 8 جىل بەرىلەدى, بىراق ەكى جىلدان كەيىن بوستاندىققا شىعادى. شەتەلگە شىعۋعا تىيىم سالىنبايىنشا, ولار قاشىپ, قۇتىلۋدىڭ جولىن ىزدەي بەرەدى. بۇل ەڭ ءتيىمدى شارا. سوندىقتان مەن جالپى نەگىزدەۋدى ەمەس, ناقتى شەشىمدەر قابىلداۋدى ۇسىنامىن”, – دەدى دەپۋتات.

ۇلان سارقۇلوۆ بۇل ماسەلە بويىنشا شەشىم قابىلداپ جاتقان جالعىز ءوزى ەمەس ەكەنىن ايتتى.

ء«سىز تاجىريبەلى دەپۋتاتسىز, شەشىمدى جالعىز مەن قابىلداپ وتىرعان جوقپىن. وسىنىڭ بارلىعىن تالقىلاۋىمىز كەرەك ەكەنىن تاعى ءبىر رەت ايتامىن. ءتيىستى پروتسەدۋرالار بار. ءبىز بۇل ماسەلەلەردى قاراۋعا دايىنبىز», – دەدى انتيكور وكىلى.