«Aqshalaryńdy eskort qyzdarǵa shashyp jatsyńdar»: Jýrnalıst aýqattylarǵa úndeý jasady

Kollaj: Sn.kz

Jýrnalıst Bıbigúl Dáýletbekqyzy Parıj olımpıadasynyń kúmis júldegeri Narıman Qurbanovqa úı men kólik berýdi talap etti. Ol tipti, qaltalylarǵa úndeý jasady, dep habarlaıdy qandastar.kz Skifnews.kz aqparat portalyna silteme jasap. 

Onyń paıymdaýynsha, qaltalylardyń da júreginde patrıottyq sezim múldem joq.

«Alyp berseńdershi myna jigitke de! Aqshalaryńdy aıdaladaǵy #eskort qyzdarǵa da mıllıondap shashyp jatsyńdar ǵoı.

Qazaqtyń túbine jetetin: teris aǵym, rýshyldyq, jershildik, jemqorlyq! Qaltalylardyń da júreginde patrıottyq sezim múldem joq. Bul Narıman da bizdiń Qazaq eliniń týyn aspanda jelbiretip, kúmis aldy emes pe? Nege endi bólip-jarasyńdar?! Bar jazyǵy — ultynyń qazaq bolmaýynda ma?! Bilem, memleketten beriletin qomaqty qarajatty. Áıtse de, bólip-jarmańdarshy eshkimdi. Máselen, bir top kishkentaı balalarǵa balmuzdaq beredi de, seniń balańa bermese qandaı kúıge túsesiń?! Úlkender sender solaı jasaısyńdar, árıne jas býyn teris aǵymnyń jetegine op-ońaı ketip qalady. Mıllıonerlerdi belgileńizdershi osy postyń astyna. Keshe reseılik mıllıoner Dýrov $360 000 bóldi dep jatqan edi aýyl balalaryna. Kórdińizder me, keıbireýler ultqa bólinip jatqanynda, sol basqa ult bizdiń balalarymyzdyń jyrtyǵyn jamaýda. О́zbek aǵaıyndylar barlyǵyn bólip-jarmaı teńdeı berdi. Bizdikiler birimen-biri rýshyldyqqa salynyp daraqylanýda. Osydan keıin Sender aqyl aıtpaı-aq qoıyńdarshy, kókebastar!», — dep jazdy jýrnalıst.