«Aqshań tasyp bara ma»: Jelide kópshilik arystan atyp alǵan adamdy synap jatyr

Foto: vıdeodan skrın

Instagram-da arystan atyp alǵan adamnyń vıdeosy tarap jatyr, dep habarlaıdy Ulysmedia.kz.

«Biraz arystan atyldy»

Vıdeoda er adam qazaqstandyqtardy osyndaı áreketke shaqyrady.

Assalaýmaǵaleıkúm, Qazaq eli. Aıtqanymdaı, 2025 jyldan bastap arystanǵa qatysty ańshylyq shekteledi. Qulaq salǵandar osynda keldi, biraz arystan atyldy. 2025 jylǵa deıin áli ýaqyttaryńyz bar. Qulaq salǵandar atyp aldy nemese bron jasap qoıdy. 2025 jyldan bastap baǵa ushady. Sol esterińizde bolsyn. Jańa jylǵa deıin ýaqyttaryńyz bar, — deıdi ol.

«Musylman bolǵan túriń qurysyn!»

Onyń bul áreketin jeli qoldanýshylary qatań synǵa aldy.

«Bul adam uzaqqa barmaıdy, ıa urpaǵyńa kesiri tıedi», «Adam balasy haıýannan qorqynyshty», «О́zimen ózi júrgen ańdy aqymaqtar ǵana atady», «Pont qoı ózinshe, ol janýardyń da kıesi bar ǵoı», «Bul da psıhıkalyq aýrý shyǵar. Meıirimi bar, adamgershiligi bar saý adam daje jerdegi qumysqany da óltire almaıdy zııany tımese. Bular sol manıaktardyń bergisi bolmasa arǵysy óltirgennen rahat pen lıazzat alatyn jaýyzdar! Túbinde karma aınalyp kelip jeti urpaǵyna tıedi! Alla jazasyn ótemeı bul dúnıeden ótpeıdi. Sanasyzdar», «Assalaýmaǵaleıkým dep qoıady. Osylaı musylman bolǵan túriń qurysyn!!! Aqshań tasyp bara ma, Palestınaǵa jiber, qanshama mlndaǵan adamdar qańǵyp júr», — dep jazdy jeli qoldanýshylary.

BELGISIZ BIZNESMEN

Vıdeodaǵy ańshy kıimin kıip, qarý asynǵan er adam kim ekenin bilgisiz. Kepkasy men qara kózildiriginen túri de kórinbeıdi. Arystandardy atýǵa shekteý qoıylady dep otyrǵanyna qaraǵanda Ońtústik Afrıka Respýblıkasynda júrgen qazaqtyń bir baıyna uqsaıdy. О́ıtkeni OAR arystandardyń sanynyń azaıyp ketýine alańdaýshylyq bildirip, olardy kommerııalyq túrde atýǵa shekteý qoıǵaly jatyr.