«Aqshanyń bári syrtqa ketip jatyr» — depýtat qurylys salasyn synady

Foto: ashyq derekkóz

Májilis depýtaty Ulyqbek Tumashınov aldaǵy jyl eldegi qurylys salasynda qymbatshylyq ornaıtynyn aıtty. Depýtat «Adal Adam» youtube-arnasyna bergen suhbatynda munyń birneshe sebebin ataǵan. Onyń pikirinshe, aldymen Qazaqstandaǵy qurylys materıaldarynyń óndirisi kemshin. Sondyqtan ımportqa táýeldilik artyp, keıingi baǵa saıasatyna áser etip otyr, dep jazdy qandastar.kz

«О́kinishke qaraı Qazaqstanda qurylys meterıaldarynyń óndirisi joq. Bizde tek qum, tas, shıyrshyq, ement ǵana bar. Sondyqtan qurylys materıaldary Reseı, Qytaı sekildi elderden ákelinedi», — dedi ol.
Depýtatyń sózine sensek, geosaıası jaǵdaı ýshyqsa, ımportqa yqpal etip, baǵany turaqtandyrý qıyn bolmaq. Tumashınov mysal retinde Buqtyrma sý qoımasy arqyly ótetin kópir qurylysyna qatysty derekti jetkizgen.

«Buqtyrma kópiriniń mysalyn keltireıik. Alǵash kelisimshartqa jasaǵan kezde jobanyń baǵasy bólek boldy, ıaǵnı 29 mlrd teńge edi. 2021 jyly qajetti qurylys materıalyn alý úshin Ýkraınadaǵy «Azovstal» metallýrgııa kombınatymen kelisim jasalǵan bolatyn. Keıin eki el arasynda soǵys bastalyp ketip, amalsyz qurylys zattaryn Reseıden aldyq. Sol kezde sankııaǵa baılanysty 1 teńge 7 rýbl shamasynda boldy. Qurylys materıaldarynyń bári qymbattady. Demek, aldaǵy ýaqytta Reseı-Ýkraına arasyndaǵy qaqtyǵys naryqqa áser etpeı qoımaıdy», — dedi Ulyqbek Shabdanulyny.
Sondaı-aq sala mamany qurylys salasyna bólinetin bıýdjettiń jarymyna jýyǵy ózge elderge ketip jatqanyn ashyna aıtqan. Bul olqylyqty qalpyna keltirý úshin qurylys ónerkásibin qalyptastyrýdy usynýda.

«Alǵashqylardyń biri bolyp «Nelikten bizde qurylys mınıstrligi joq?» degen másle kóterdim. Nátıjesinde О́nerkásip jáne qurylys mınıstrligi quryldy. Endigi kezekte qurylys materıaldarynyń óndirisin qalyptastyrý kerek.

Tam-tumdap tapqan aqshany qurylys materıalyn satyp alý úshin basqa elge berip otyrmyz. Mysaly, jylyna el bıýdjetiniń 20 paıyzǵa jýyǵy qurylysqa jumsalady. Onyń jarty bóligi shet memleketke ketip jatyr degen sóz», — dedi ol.