اقسۋ اۋىلى كارانتينگە جابىلۋى مۇمكىن

شونجىدا ءىرى قارادان ءسىبىر جاراسى شىعىپ, ادامدارعا جۇعىپ جاتىر ەكەن. اۋرۋ مالدى سويىپ, قولدارىن جارا باسقا ەكى اۋىل تۇرعىنى اۋرۋحاناعا تۇسكەن. جاعدايلارى ءبىر قالىپتى. قازىر اۋرۋ وشاعىن انىقتاۋ ءۇشىن ۆەتەرينارلار سيىرلاردان سىناما الىپ, زەرتحاناعا جولداپتى. ناتيجەسى بۇگىن-ەرتەڭ بەلگىلى بولادى. ەگەر ءسىبىر جاراسى ەكەنى انىقتالسا, ۇيعىر اۋدانىنداعى ۇلكەن اقسۋ اۋىلى كارانتينگە جابىلادى.

قاۋىپتى ىندەتتىڭ تارالۋىنا كىم كىنالى? مال دارىگەرلەرى ءتورت ت ۇلىككە دەر كەزىندە ۆاكتسينا سالدى ما? بۇل سۇراقتاردىڭ جاۋابىن جاقىندا بىلەمىز, – دەپ جازدى ول.

سونىمەن قاتار جۋرناليست سوعىم كەزىندە اۋرۋ مالدىڭ ەتى دۇكەن سورەلەرىنە ءتۇسۋى مۇمكىن ەكەنىن ەسكە سالدى. سوندىقتان ارزان ەتكە جۇگىرمەۋگە شاقىردى.

ال سىزدەر ارزان ەت ساتامىن دەگەندەرگە اباي بولىڭىزدار! ويتكەنى سوعىم سەزونى جاقىنداعاندا وسىنداي اۋرۋ مالدىڭ ەتى ساۋدا سورەلەرىنە ءتۇسىپ كەتۋى ابدەن مۇمكىن. سوندىقتان بازارلارداعى ۆەتكونترولدىڭ جۇمىسىن قاتاڭ باقىلاۋ كەرەك, – دەپ جازدى دياس نۇراقىن.