Aqsý aýyly karantınge jabylýy múmkin

Shonjyda iri qaradan Sibir jarasy shyǵyp, adamdarǵa juǵyp jatyr eken. Aýrý maldy soıyp, qoldaryn jara basqa eki aýyl turǵyny aýrýhanaǵa túsken. Jaǵdaılary bir qalypty. Qazir aýrý oshaǵyn anyqtaý úshin veterınarlar sıyrlardan synama alyp, zerthanaǵa joldapty. Nátıjesi búgin-erteń belgili bolady. Eger Sibir jarasy ekeni anyqtalsa, Uıǵyr aýdanyndaǵy Úlken Aqsý aýyly karantınge jabylady.

Qaýipti indettiń taralýyna kim kináli? Mal dárigerleri tórt túlikke der kezinde vakına saldy ma? Bul suraqtardyń jaýabyn jaqynda bilemiz, – dep jazdy ol.

Sonymen qatar jýrnalıst soǵym kezinde aýrý maldyń eti dúken sórelerine túsýi múmkin ekenin eske saldy. Sondyqtan arzan etke júgirmeýge shaqyrdy.

Al sizder arzan et satamyn degenderge abaı bolyńyzdar! О́ıtkeni soǵym sezony jaqyndaǵanda osyndaı aýrý maldyń eti saýda sórelerine túsip ketýi ábden múmkin. Sondyqtan bazarlardaǵy vetkontroldyń jumysyn qatań baqylaý kerek, – dep jazdy Dıas Nuraqyn.