«Aqtalýǵa mindetti emespin»: Baıan Alagózovanyń kelini alǵan ataǵy týraly aıtty

Tanymal ánshi Jarqynaı Hanaıym jaqynda ǵana «Qazaqstan Respýblıkasynyń Eńbek sińirgen qaıratkeri» ataǵyn alǵan bolatyn. Alaıda bul qoǵamda úlken rezonans týdyrdy. Osyǵan baılanysty ánshi óziniń paraqshasynda pikirimen bólisti, dep habarlaıdy qandastar.kz Skifnews.kz-ke silteme jasap.

Aıta keteıik, Meırambek Bespaev, Dastan Orazbekov syndy ánshiler bul marapatty áli kúnge deıin almaǵan. Ánshi Ámire de renishin jasyrmady. Jeli qoldanýshylary da Jarqynaıdyń bul marapatqa áli laıyq emes ekenin jazǵan edi. Biraq óner ıesiniń ózi bul daýǵa núkte qoıǵysy keledi.

«Kúshti kóńil-kúıimdi qoldana otyra sońǵy oqıǵalarǵa baılanysty meni qoldaǵan oqyrmandaryma alǵysymdy bildirgim keledi. Áńgime aıtqan saıyn kóbeıe beredi, sóz qýalaǵan sózdiń túbine jetpeıdi. Baq shaba ma, bap shaba ma deıdi. Osy joly meniń baǵym shapqany úshin men bireýdiń aldynda aqtalýym tıisti emes dep oılaımyn. Sebebi, barlyq jer betindegi oqıǵa Qudaıdyń qalaýymen bolady. Japyraq ta onyń qalaýynsyz jerge túspeıdi. Ol úshin men aqtalýym kerek dep oılamaımyn. Tek jaqsy nárselerge kóńil bólýge nıettimin. Sizderge de sony tileımin», — dedi ol.