جاڭالىقتار
اقتاۋ اكىمىنىڭ بۇرىنعى ورىنباسارى ۇستالدى
فوتو: اشىق دەرەككوز
سادۆاقاسوۆ تيمۋر حابدۋللاەۆيچتى مەملەكەتتىك شەكارانى زاڭسىز كەسىپ وتپەك بولعان كەزىندە وزبەكستان رەسپۋبليكاسىنىڭ شەكارا قىزمەتى ۇستاعان. وعان قاتىستى وزبەكستان رەسپۋبليكاسىنا زاڭسىز كىرۋ فاكتىسى بويىنشا قىلمىستىق ءىس قوزعالدى. ول تەرگەۋ يزولياتورىنا قاماۋعا الىنعان. قازىرگى ۋاقىتتا ونى وزبەكستان رەسپۋبليكاسىنان ەكستراديتسيالاۋ ماسەلەسى قاراستىرىلىپ جاتىر, دەپ جازدى qandastar.kz
ەسكە سالا كەتەيىك, سادۆاقاسوۆقا الاياقتىق جانە اسا ءىرى كولەمدە پارا بەرۋگە يتەرمەلەۋ باپتارى بويىنشا ايىپ تاعىلعان.
2023 جىلى شىلدە ايىندا سادۆاقاسوۆ ت.ح. جانە «وبۋحوۆسكوە» كەن ورنىندا زاڭسىز پايدالى قازبالار ءوندىرۋ ىسىنە قاتىستى ادۆوكات – كۋرمانباەۆ س.ن. لاۋازىمدى تۇلعالار اراسىنداعى بايلانىستارىن پايدالانا وتىرىپ, دولگالەۆ-قا كاسىپتەگى سەرىكتەستەرىنە قارسى قىلمىستىق ءىس قوزعاۋدى ۇسىنعان.
الدىن-الا كەلىسىم بويىنشا پارانىڭ ءبىرىنشى بولىگى رەتىندە 90 ملن تەڭگە العان سادۆاقاسوۆ پەن كۋرمانباەۆ بۇل قاراجاتتى وزدەرى يەمدەنىپ, ۋادە ەتىلگەن مىندەتتەمەلەرىن ورىنداماعان.
قىلمىستىق ءىس پاۆلودار وبلىسىنىڭ مامانداندىرىلعان اۋدانارالىق قىلمىستىق ىستەر جونىندەگى سوتىنا قايتا قاراۋعا جولداندى.
