اقتاۋ: جاياۋ جۇرگىنشىلەر جولاعىندا ەكى وقۋشىنى كولىك قاقتى

فوتو: ۆيدەودان كادر

وقيعا شىعىس-2 جانە شىعىس-3 شاعىن اۋدانى اراسىنداعى جولدا بولعان, دەپ حابارلايدى  qandastar.kz

ساباقتان شىققان 3 وقۋشى جاياۋ جۇرگىنشى جولاعى ارقىلى جولدىڭ ەكىنشى بەتىنە وتپەك بولعان. ولار كولىكتىڭ توقتاعانىنا كوز جەتكىزىپ بارىپ, جولعا شىعادى. الايدا ءبىر كولىك قاتتى جىلدامدىقپەن كەلىپ, الدا كەتىپ بارا جاتقان 2 بالانى قاعىپ كەتتى. سالدارىنان جەتكىنشەكتەر اۋىر جاراقاتپەن وبلىستىق بالالار اۋرۋحاناسىنا جەتكىزىلگەن.

— ناۋقاستار 2013 جانە 2014 جىلعى. بىرەۋىندە باس مي جاراقاتى, ءبىرىنشى ساتىداعى قارىنشاىشىلىك قان كەتۋ جانە بەتى مەن دەنەسىنىڭ سىنىقتارى بار. جاعدايى اۋىر. ال ەكىنشى بالا ەس-ءتۇسسىز, كومادا جانساقتاۋ بولىمىندە جاتىر. قازىر دارىگەرلەر ءالى دە تەكسەرۋ جۇمىستارىن جۇرگىزىپ جاتىر, — دەيدى ماڭعىستاۋ وبلىستىق كوپبەيىندى اۋرۋحاناسىنىڭ ءباسپاسوز حاتشىسى جۇلدىزاي قاليەۆا.

وبلىستىق پوليتسيا دەپارتامەنتى اتالعان وقيعا بويىنشا قىلمىستىق ءىس قوزعالعانىن حابارلادى.