Aqtaýda 100 jas maman «Jas basqarýshylar» mektebin bitirdi

Aqtaýda aýdan, qaladan kelgen 100 jas maman «Jas basqarýshylar» mektebin bitirdi. Muǵalimderdi quttyqtaýǵa Mańǵystaý oblystyq bilim basqarmasy basshysynyń orynbasary Aıjaqsy Turjanova kelip, alǵys hat pen sertıfıkat tabystady.

«Prezıdent Qasym-Jomart Toqaevtyń berip jatqan barlyq múmkindigi, bilim salasyndaǵy talaby, «Pedagog mártebesi» týraly zań shyqqannan keıingi qoldaýy, osynyń barlyǵy jas pedagogter úshin jasalyp jatyr. Osy eki aıǵa sozylǵan oqytý jas mamandardyń biliktiligin arttyrýǵa, tájirıbe almasýǵa múmkindik berdi. Endi alǵan bilimińizdi jańa energııamen jetistik jolyna jumsaýǵa tilektespin. Qyzmet etý úshin sizderde janyp turǵan energııa, myqty ıdeıa, naqty maqsat pen jospar bolýy kerek. Zaman talabyna saı pedagog únemi izdenis ústinde bolýy kerek. Sondyqtan Jańa Qazaqstannyń jańa pedagogy bolý jolynda túrli jobalarǵa qatysyp, belsendilik tanytqandaryńyz úshin alǵys bildiremin», — dedi Mańǵystaý oblystyq bilim basqarmasy basshysynyń orynbasary Aıjaqsy Turjanova.

Saltanatty shara barysynda oqytýǵa qatysqan barlyq jas mamanǵa sertıfıkat berildi. Al belsendiligimen kózge túsip, úzdik atanǵan 10 jas mamanǵa Mańǵystaý oblysy bilim basqarmasynyń basshysy Dınara Jumashevanyń alǵys haty tabystaldy.

Sodan soń shara jas mamandardyń konerttiń baǵdarlamasymen jalǵasty.

Eske salaıyq, eki aıǵa sozylǵan oqytýda jas mamandarǵa Astana, Almatydan kelgen jáne jergilikti jerdiń bilikti trenerleri bilim berdi. Olar «Kóshbasshy ımıdji», «Grant. Joba. Konkýrs», «Qarjylyq menedjment», «Jobalyq basqarý», «Jeke brend. SMM» taqyryptaryn tereńinen túsinip, paıdaly aqparattar aldy. Sonyń nátıjesinde jas mamandar joba jasaqtap, jeke brendin damytýdy josparlap otyr.

Sonymen qatar jas mamandardyń daǵdysyn arttyrý maqsatynda alǵashqy medıınalyq kómek kórsetý erejeleri men tótenshe jaǵdaıdyń aldyn alý boıynsha málimetter túsindirildi. Yessenov University-niń akademııalyq jumys jónindegi vıe-prezıdenti, e.ǵ.k., RF kompıýterlik ǵylymdar akademııasynyń korrespondent-múshesi Qaıyrbek Makýlovpen TED formatynda kezdesý uıymdastyryldy.

«Jas basqarýshylar» mektebi «Jas maman» jobasy aıasynda ótti. Joba Mańǵystaý oblystyq bilim basqarmasynyń tapsyrysy negizinde Azamattyq bastamalardy qoldaý ortalyǵymen birlese ótkizildi.