اقتاۋدا 47 جاستاعى ەر ادام كاسپيگە باتىپ كەتتى

فوتو: Pixabay

اقتاۋداعى «الاۋ» بالالار لاگەرىنىڭ ماڭىنداعى جاعالاۋدا قايعىلى وقيعا بولدى. 30 تامىز كۇنى كۋاگەرلەر ەر ادامنىڭ دەنەسىن تاۋىپ الىپ, سۋدان شىعاردى, دەپ حابارلايدى Skifnews.kz اقپارات پورتالى. 

Lada باسىلىمىنىڭ جازۋىنشا, بۇل تۋرالى وبلىستىق توتەنشە جاعدايلار دەپارتامەنتى ءمالىم ەتكەن.

وڭىرلىك توتەنشە جاعدايلار دەپارتامەنتىنىڭ مالىمەتىنشە, قايعىلى وقيعا بۇگىن, 30 تامىز كۇنى تاڭعى ساعات 9:54-تە «الاۋ» بالالار لاگەرى ايماعىنداعى جاعالاۋدا بولعان.

وقيعا كۋاگەرلەرى 1977 جىلى تۋعان ەر ادامنىڭ ءمايىتىن تاۋىپ الىپ, سۋدان شىعارعان.

«ول سۋعا تۇسۋگە تىيىم سالىنعان ايماقتا سۋعا تۇسكەن. وقيعانىڭ ءمان-جايى انىقتالىپ جاتىر», – دەپ حابارلادى ايماقتىق قۇتقارۋشىلار.