اقتاۋدا الاي–دۇلەي داۋىل: زارداپ شەككەندەر بار

اقتاۋدا قاتتى جەل تۇرىپ سالدارىنان اۆتوبۋس ايالداماسى ادامنىڭ ۇستىنە قۇلادى,  دەپ حابارلايدى  qandastar.kz Orda.kz.-كە  سىلتەمە جاساپ.

جەرگىلىكتى پوليتسيا دەپارتامەنتىنىڭ حابارلاۋىنشا, ساپاسىز سالىنعان ايالداماعا قاتىستى ءىس قوزعالىپتى.

«اۋا رايىنىڭ قولايسىزدىعىنا بايلانىستى ايالداما قۇلاپ, ءبىر ادام جاراقات الدى, ول وبلىستىق اۋرۋحاناعا جەتكىزىلدى. ساپاسىز قۇرىلىس فاكتىسى بويىنشا قىلمىستىق ءىس تىركەلدى. بۇل باپ بويىنشا ءىرى كولەمدى ايىپپۇلدان باستاپ 2 جىلعا دەيىن باس بوستاندىعىنان ايىرۋ جازاسى قاراستىرىلادى» دەلىنگەن ۆەدومستۆو حابارلاماسىندا.

ايتا كەتەيىك, بۇگىن وڭىردە قاتتى جەل سوعىپ, اۋا–رايى قولايسىز بولىپ تۇر. بۇعان دەيىن «قازگيدرومەت» داۋىلدى ەسكەرتۋ جاساپ, اقتاۋدا جەلدىڭ جىلدامدىعى 30 م/س دەيىن جەتۋى مۇمكىن دەپ مالىمدەگەن بولاتىن.

وبلىستىڭ سولتۇستىك-باتىسىندا قاتتى جاڭبىر جاۋادى دەپ كۇتىلۋدە. سونداي-اق, ەكپىندى جەل سالدارىنان ەلەكت قۋاتى ءوشتى. قاتتى جەل تەك ەلەكتر سىمدارىن ءۇزىپ عانا قويماي, اعاشتاردى ءتۇپ تامىرىمەن قوپارىپ, اۋىر باعانالاردى قۇلاتىپ جاتىر.