جاڭالىقتار
اقتاۋدا بەيتانىس ادام قىز زورلاماق بولعان
فوتو:rumba.kz
وقيعا اقتاۋدىڭ تەڭىز جاعالاۋىندا, كەشكى ۋاقىتتا بولعان, دەپ جازادى qandastar.kz اقپارات پورتالى ماڭعىستاۋ وبلىستىق پوليتسيا دەپارتامەنتىنە سىلتەمە جاساپ.
بەينەجازبادا بەلگىسىز ەر ادامنىڭ قىزعا شابۋىل جاساعان ءساتى كورىنەدى.
قىزدىڭ ايقايىن ەستىگەن ادامدار جۇگىرىپ بارىپ, قىلمىسكەردى ۇستاپ العان. پوليتسيا كەلگەنشە اشۋلانعان ادامدار ونى وزدەرى ۇرىپ, جازالاعان.
ماڭعىستاۋ وبلىستىق پوليتسيا دەپارتامەنتى 11 ناۋرىزدا بولعان بۇل جاعدايعا قاتىستى رەسمي مالىمدەمە جاسادى.
«ۆيدەوداعى زورلاۋ ارەكەتىنە بايلانىستى بىردەن قىلمىستىق ءىس قوزعالدى. كۇدىكتى ۇستالىپ, تەرگەۋ يزولياتورىنا قامالدى. تەرگەۋ اياقتالىپ, ءىس ايىپتاۋ قورىتىندىسىمەن بىرگە سوتقا جولداندى», – دەلىنگەن حابارلامادا.
