Aqtaýda qaıǵyly jaǵdaı boldy

Aqtaý qalasynyń 8A yqshamaýdanyndaǵy «Rahat» aıaldamasynda 18 maýsym kúni saǵat 18:00 shamasynda aýyr jol-kólik oqıǵasy tirkeldi. Bul týraly Qandastar.kz aqparat agenttigi Lada.kz-ke silteme jasap habarlady.

Kýágerlerdiń aıtýynsha, qoǵamdyq kólik jolaýshylardy túsirý úshin aıaldamadaǵy kireberis tustan kirgen kezde sol jerde turǵan eki er adamnyń birin qaǵyp ketken.

Avtobýs dóńgeleginiń astynda qalǵan er adam aýyr jaraqat alyp, jerde qan izi qalǵan. Oqıǵa ornyna dereý jedel járdem shaqyryldy.

Mańǵystaý oblystyq jedel jáne shuǵyl medıınalyq járdem stanııasynyń baspasóz qyzmeti habarlaǵandaı, shaqyrtý saǵat 17:53-te tirkelgen. Jedel járdem brıgadasy zardap shekken adamdy shuǵyl túrde oblystyq aýrýhanaǵa jetkizdi.

Saǵat 18:46-da naýqas jaǵdaıy óte aýyr bolǵandyqtan, ol «qyzyl aımaqqa», ıaǵnı ómirine qaýip tónip turǵan naýqastarǵa arnalǵan bólimshege aýystyryldy. Qazirgi ýaqytta dárigerler onyń ómiri úshin kúresip jatyr.

Oqıǵanyń naqty mán-jaıy anyqtalýda. Qoǵamdyq kólik júrgizýshisiniń is-áreketi men qaýipsizdik talaptarynyń saqtalǵan-saqtalmaǵany boıynsha tıisti tergeý júrgiziledi.