جاڭالىقتار
اقتاۋدا قاتتى جەل بەس ادامدى تەڭىزگە الىپ كەتتى
فوتو: tengrinews.kz
اقتاۋدا 23 شىلدە كۇنى كۇشتى جەل سالدارىنان بەس ادام تەڭىزگە قاراي 2,5 شاقىرىمعا ۇزاپ كەتكەن. وقيعا “بريز” ياحت-كلۋبى ماڭىندا بولعان دەپ جازدى Qandastar.kz lada.kz سايتىنا سىلتەمەمەن.
جەلدىڭ ەكپىنىمەن الىستاپ كەتكەن ازاماتتاردىڭ وزدىگىنەن جاعاعا قايتا شىعۋعا مۇمكىندىگى بولماعان.
ولاردى جاعالاۋدى باقىلاۋ بارىسىندا قۇتقارۋ قىزمەتىنىڭ ماماندارى بايقاپ قالعان. قۇتقارۋشىلار جىلدام ارەكەت ەتىپ, ادامداردى امان-ەسەن جاعاعا جەتكىزدى. ابىروي بولعاندا, ەشكىم جاراقات الىپ, مەديتسينالىق كومەككە جۇگىنگەن جوق.
ايتا كەتەيىك, بۇعان دەيىن قالا تۇرعىندارى ءار شاقىرىم سايىن قۇتقارۋ بەكەتتەرىن ورناتۋ ماسەلەسىن كوتەرگەن بولاتىن. بۇل سۇراققا قاتىستى قالا اكىمدىگىنىڭ ءباسپاسوز قىزمەتى ەگجەي-تەگجەيلى تۇسىنىكتەمە بەرگەن ەدى.
