Aqtaýda qatty jel bes adamdy teńizge alyp ketti

Foto: tengrinews.kz

Aqtaýda 23 shilde kúni kúshti jel saldarynan bes adam teńizge qaraı 2,5 shaqyrymǵa uzap ketken. Oqıǵa “Brız” ıaht-klýby mańynda bolǵan dep jazdy Qandastar.kz lada.kz saıtyna siltememen.

Jeldiń ekpinimen alystap ketken azamattardyń ózdiginen jaǵaǵa qaıta shyǵýǵa múmkindigi bolmaǵan.

Olardy jaǵalaýdy baqylaý barysynda qutqarý qyzmetiniń mamandary baıqap qalǵan. Qutqarýshylar jyldam áreket etip, adamdardy aman-esen jaǵaǵa jetkizdi. Abyroı bolǵanda, eshkim jaraqat alyp, medıınalyq kómekke júgingen joq.

Aıta keteıik, buǵan deıin qala turǵyndary ár shaqyrym saıyn qutqarý beketterin ornatý máselesin kótergen bolatyn. Bul suraqqa qatysty qala ákimdiginiń baspasóz qyzmeti egjeı-tegjeıli túsinikteme bergen edi.