Жаңалықтар
Ақтауда қоқыс көлігі жарылып кетті
Фото: ашық дереккөз
Ақтауда қоқыс көлігі жарылып кетті, – деп хабарлайды Tengrinews.kz тілшісі.
Бұл туралы Маңғыстау облысы Төтенше жағдайлар департаментінің баспасөз қызметі мәлімдеді.
Құтқарушылар мәліметінше, бүгін, 7 қыркүйекте күндіз сағат 12:01-де Мұнайлы ауданындағы «Әйгерім» мейрамханасының маңындағы жолда қоқыс таситын көліктен өрт шыққаны туралы ақпарат келіп түскен.
Өрт сөндірушілер оқиға орнына 12:09-да жетті.
Өрт сөндірушілер келгенше 120 литрлік газ баллоны жарылған. Салдарынан жарылыс толқынынан әйнек сынып, 20 метр жерде орналасқан «Ақ жол» азық-түлік дүкенінің баннеріне зақым келген.
Құрбандар мен зардап шеккендер жоқ. Көлік толығымен өртеніп кетті.
Өрт сағат 12:19-да сөндірілді.
