الەۋمەت جانە قوعام
اقتاۋدا قىز سوققىعا جىعىلدى: كۇدىكتى ۇستالىپ, وعان تاعى ءبىر قىلمىس جاسادى دەگەن ايىپ تاعىلدى
فوتو: اشىق دەرەككوز
اقتاۋدا ءتارتىپ ساقشىلارى بۇرىنعى سۇيىكتىسىن ۇرىپ-سوققان ەر ادامدى ۇستادى, دەپ حابارلادى qandastar.kz
«جەدەل ىزدەستىرۋ شارالارى بارىسىنداشابۋىل جاسادى دەگەن كۇدىكتى انىقتالىپ, كۇدىكتى ۋاقىتشا ۇستاۋ يزولياتورىنا قامالدى. وعان ۇرلىق جاسادى دەگەن ايىپ قوسا تاعىلىپ وتىر», – دەلىنگەن حابارلامادا.
بىرنەشە كۇن بۇرىن الەۋمەتتىك جەلىدە اقتاۋ كوشەلەرىنىڭ بىرىندە ەر ادامنىڭ قىزدى اياۋسىز سوققىعا جىققانى تۇسىرىلگەن ۆيدەو تاراعان بولاتىن. جەلىدە تاراعان بەيرەسمي اقپاراتقا سايكەس, قىلمىسكەر تانىس قىزىنا بىرنەشە رەت زورلىق-زومبىلىق كورسەتكەن.
