جاڭالىقتار
اقتاۋدا مەيرامحانا ماڭىندا جاپپاي توبەلەس بولدى
فوتو: ۆيدەودان سكرينشوت
اقتاۋدا مەيرامحانا ماڭىندا جاپپاي توبەلەس بولدى, دەپ جازادى qandastar.kz سايتى.
جەلىدەگى اقپاراتقا سەنسەك, وقيعا اقتاۋدا 9 مامىرعا قاراعان ءتۇنى بولعان. كۋاگەر تۇسىرگەن كادردا وبلىس ورتالىعىنداعى 5-شاعىن اۋداندا ورنالاسقان «پينتا» مەيرامحاناسىنا قاراما-قارسى جول بويىندا ون شاقتى جىگىتتىڭ توبەلەسىپ جاتقانىن كورۋگە بولادى.
وقيعا جولدا كولىك كەپتەلىسىن تۋدىردى. ۆيدەودا وقيعا ورنىنا پوليتسيا ءپاترۋلىنىڭ جەتكەنى دە كورىنەدى. توبەلەسكە قاتىسۋشىلار ۇستالدى.
«اتالعان فاكتى بويىنشا قىلمىستىق ءىس قوزعالدى. كۇدىكتىلەر قاماۋعا الىندى. وقيعانىڭ ءمان-جايى انىقتالۋدا. سوتقا دەيىنگى تەرگەۋ امالدارى جۇرگىزىلىپ جاتىر», — دەلىنگەن ماڭعىستاۋ وبلىستىق پوليتسيا دەپارتامەنتى تاراتقان حابارلامادا.
